Mınıstr aldaǵy ýaqytta neniń arzandaıtynyn aıtty

Foto: ashyq derekkóz

Aýyl sharýashylyǵy mınıstri Aıdarbek Saparov Úkimet otyrysynan keıin elimizdi 2025 jyly arzandatylǵan baǵamen kartoppen qamtamasyz etýge ýáde berdi, dep habarlaıdy qandastar.kz

Mınıstrdiń aıtýynsha, byltyr ketken kemshilikter saralanyp, tıisti jumystar atqarylǵan. Kartop tapshylyǵynyń basty sebebi – О́zbekstan tarapynan bolǵan joǵary suranys. Sońǵy on jylda mundaı kólemde eksport tirkelmegen – shamamen 600 myń tonna ónim syrtqa jóneltilgen. Al shetelden ımporttalǵan kólem nebári 60 myń tonnany qurap, eksporttyń 10%-yna ǵana teń bolǵan.

«Bıyl kartop egis kólemi negizinen sharýa qojalyqtarynda emes, uıymdastyrylǵan agroóndiristik qurylymdarda ulǵaıtylady. Sondyqtan ishki naryqty jetkilikti mólsherde qamtamasyz etemiz dep senemin. Baǵasy da sál tómendeıdi», – dedi Aıdarbek Saparov.

Mınıstr byltyr Qazaqstanda 2,6 mln tonna kartop jınalǵanyn eske saldy, al eldiń ishki qajettiligi 2 mln tonnany quraǵan. Alaıda kórshi О́zbekstannan kelgen joǵary suranys baǵanyń sharyqtaýyna áser etken.