مينيستر اۋىل شارۋاشىلىعىنداعى بۇرمالانعان دەرەكتەردى جاريالادى

«بىرىنشىدەن, شيكىزاتتىڭ جەتىسپەۋى مەن قامبات بولۋى ماسەلەسى بار. ستاتيستيكاعا سايكەس, مال شارۋاشىلىعىنداعى شيكىزات جەتكىلىكتى بولعانىمەن, دەرەكتەر ناقتى جاعدايعا سايكەس كەلمەيتىنىن تۇسىنەمىز. ماسەلەن, رەسمي ستاتيستيكاعا سايكەس جىل سايىن شامامەن 6,5 ميلليون توننا ءسۇت وندىرىلەدى, بىراق ونىڭ تەك 2,1 ميلليون تونناسى 180 كاسىپورىندا وڭدەلەدى. سوندا, ءسۇتتىڭ مۇنداي كولەمى بولعان كەزدە, نە سەبەپتى وڭدەۋگە شيكىزات جەتكىلىكسىز?! بۇل فاكت مال شارۋاشىلىعىندا دا, وسىمدىك شارۋاشىلىعىندا دا ستاتيستيكالىق دەرەكتەردى بۇرمالاۋدىڭ كوپ جىلدىق تاجىريبەسىنىڭ بولۋىمەن تۇسىندىرىلەدى», — دەدى ا. ساپاروۆ.

ونىڭ ايتۋىنشا, وسى ماسەلە بويىنشا پرەمەر-ءمينيستردىڭ ورىنباسارى سەرىك جۇمانعاريننىڭ توراعالىعىمەن ستاتيستيكالىق دەرەكتەردى قايتا قاراۋ جونىندە ارنايى جۇمىس توبى قۇرىلدى.

«كوميسسيا اتقارعان جۇمىستىڭ ناتيجەسىندە 2 ملن باس مال مەن 3 ملن توننا ءسۇت ەسەپتەن شىعارىلدى. وسىمدىك شارۋاشىلىعىندا جۇمىس جالعاسىپ جاتىر», — دەدى مينيستر.

بۇعان دەيىن حابارلانعانداي, ءماجىلىس دەپۋتاتى سەرىك ەگىزباەۆ يمپورتتىڭ وسۋىنەن ەت پەن ءسۇت ونىمدەرىنەن جىلدا 800 ملن دوللار جوعالتىپ جاتقانىمىزدى ايتتى.