قارجى جانە تولەمدەر
مينيستر ەلىمىزدە ەلەكتروندىق ساۋداعا سۇرانىس ارتقانىن ايتتى
فوتو: اشىق دەرەككوز
2020 جىلدان باستاپ ەلىمىزدەگى ەلەكتروندىق ساۋدا 5 ەسە ۇلعايعان بۇل تۋرالى ۇكىمەت وتىرىسىندا ساۋدا ءمينيسترى ارمان شاققاليەۆ ايتتى, دەپ جازدى qandastar.kz
“2029 جىلعا قاراي ەلەكتروندىق ساۋدا كورسەتكىشىن ءۇش ەسەگە ۇلعايتۋ جانە ونى 9,3 ترلن تەڭگەگە دەيىن جەتكىزۋ جوسپارلانىپ وتىر. بۇل سالانى ىلگەرىلەتۋ ءۇشىن ۇكىمەت ونلاين-كوممەرتسيانى دامىتۋ جوسپارىن قابىلدادى. ول ەلەكتروندىق ساۋدا ماسەلەلەرى بويىنشا زاڭنامانى جەتىلدىرۋدى, ەلىمىزدىڭ بارلىق وڭىرلەرىندە ەلەكتروندىق ساۋدانى وقىتۋ كۋرستارىن ىسكە قوسۋدى, كاسىپكەرلەر ءۇشىن ەلەكتروندىق ساۋدادا مەملەكەتتىك قولداۋدىڭ قارجىلىق شارالارىن ەنگىزۋدى كوزدەيدى”, – دەدى ۆەدومستۆو باسشىسى.
2024 جىلى ونلاين ساتىپ الۋعا ازاماتتارىمىز 3,2 ترلن تەڭگە جۇمساعان. سالادا 300 مىڭ جۇمىس ورنى اشىلعان.
