Bilim
Mınıstr: Inklıýzıvti bilim berýdiń sapasyn arttyrý úshin zańnama jetildirilýde
Foto: mınıstrlik paraqshasynan
Oqý-aǵartý mınıstri Ǵanı Beısembaev Almaty qalasyna jumys sapary barysynda birqatar bilim berý uıymdaryn aralap, pedagogıkalyq qaýymdastyqpen, oqýshylarmen, bilim salasynyń ardagerlerimen jáne ata-analar komıtetiniń ókilderimen kezdesý ótkizdi, dep jazady qandastar.kz
Ǵanı Beısembaev Zaǵıptar men nashar kóretin balalarǵa arnalǵan №4 arnaıy mektep ınternatynda jýyrda ǵana Memleket basshysynyń qolynan «Qazaqstannyń Eńbek Eri» memlekettik nagradasyn alǵan matematıka pániniń muǵalimi Gúljanar Nurpeıisovanyń sabaǵyna arnaıy bas suǵyp, muǵalimmen, oqýshylarmen suhbattasty. Ustaz mıssııasyna adal pedagog erekshe balalarmen jumys jasaýdy óz júrek qalaýymen tańdaǵan. Ǵanı Beısembaev Gúljanar Nurpeıisova syndy ustazdardyń elimizdiń maqtanyshy ekenin, al onyń kásibıligi men óz isine adaldyǵy kópshilikke úlgi-ónege ekenin aıtty.
«Barlyq balalar úshin sapaly bilimge teń qoljetimdilik – elimizdiń negizgi basymdyqtarynyń biri. Osyǵan baılanysty arnaıy jáne ınklıýzıvti bilim berýdiń qoljetimdiligin qamtamasyz etý jáne sapasyn arttyrý úshin zańnamany jetildirý jónindegi jumys jalǵasýda. О́z eńbek jolyn osyndaı erekshe balalarǵa arnaǵan pedagogterge erekshe kóńil bólinýde. Olardyń kásibılikpen qatar, shydamdylyq, óz isine adaldyq tanytýy – eń joǵary marapatqa laıyqty. Gúljanar Nurpeıisova syndy ustazdar naǵyz aǵartýshy, qoǵam tórge ozdyratyn tulǵanyń qandaı bolýy kerek ekenin óz úlgisimen dáleldep keledi», – dep atap ótti mınıstr.
Atalǵan mektep-ınternatta 236 erekshe bilim berýdi qajet etetin bala bilim alady. Oqý proesi olardyń ereksheligin eskere otyryp uıymdastyrylǵan, munda balalardyń erekshelikterine qaraı beıimdelgen ádistemelik materıaldar qoldanylady.
Elimizde 496 arnaıy uıymda erekshe bilim berý qajettilikteri bar balalarmen barlyǵy 9 myń pedagog jumys jasaıdy. Balalardy arnaıy bilimmen qamtý 84%-ǵa jetti. Aıta ketý kerek, bıylǵy jyldan bastap múgedektigi bar balalar úshin kolledjge túsý kvotasy 1 paıyzdan 10 paıyzǵa ulǵaıtyldy.
