جاڭالىقتار
مينيستر: مەدبيكەلەر ەندى ۆيدەوجەتون تاعادى
فوتو: اشىق دەرەككوز
قازاقستاندا ەمحانا مەن اۋرۋحانالار قىزمەتكەرلەرى ءۇشىن ۆيدەوجەتوندار ەنگىزۋ جوسپارلانىپ جاتىر. مۇنى دەنساۋلىق ساقتاۋ ءمينيسترى اقمارال ءالنازاروۆا ايتتى, دەپ حابارلايدى qandastar.kz
2024 جىلدىڭ جەلتوقسان ايىندا مينيستر جەدەل جاردەم قىزمەتكەرلەرى ءۇشىن ۆيدەوجەتوندار شىعارىلاتىنىن حابارلادى. جوبا قازىر استانا مەن الماتىدا پيلوتتىق رەجيمدە جۇزەگە اسىرىلدى. وسى جىلدىڭ سوڭىنا دەيىن باسقا قالالاردى قوسۋ جوسپارلانىپ جاتىر.
ء«بىز بۇل مەحانيزمدى جەدەل جاردەم ءۇشىن عانا ەمەس, باسقا ماماندارىمىز ءۇشىن دە كەڭەيتۋدى قاراستىرىپ جاتىرمىز… جەدەل جاردەم قىزمەتكەرلەرىنە قاتىستى ماسەلەنى قازىر بۇيرىققا ەنگىزدىك, ەندى ەكىنشى كەزەڭ رەتىندە امبۋلاتورلىق-ەمحانالىق قىزمەت دەڭگەيىندە دارىگەرلەر مەن مەدبيكەلەردىڭ قاۋىپسىزدىگىنە ارنالعان جەتونداردى ەنگىزۋدى قاراستىرىپ جاتىرمىز», – دەدى ءالنازاروۆا ۇكىمەت وتىرىسىندا.
مەديتسينالىق ۇيىمدار مەن اكىمدىكتەر ۆيدەوجەتونداردى ساتىپ الادى دەدى ول.
جوبانى جۇزەگە اسىرۋدىڭ ناقتى مەرزىمى ازىرگە بەلگىسىز. ءمينيستردىڭ ايتۋىنشا, ۆەدومستۆوعا نورماتيۆتىك قۇقىقتىق اكتىلەرگە ءتيىستى وزگەرىستەر ەنگىزۋ ءۇشىن ءۇش اي ۋاقىت قاجەت.
دەنساۋلىق ساقتاۋ مينيسترلىگى كاسىبي مىندەتتەرىن اتقارۋ كەزىندە مەديتسينا قىزمەتكەرلەرىنە شابۋىل جاساعان تۇلعالارعا قىلمىستىق جاۋاپكەرشىلىك بەلگىلەۋ تۋرالى ۇسىنىس ەنگىزدى.
