ءبىلىم
مينيستر نازارباەۆ مەكتەپتەرىنە شابۋىل جاساماۋعا شاقىردى
كوللاج: ulysmedia.kz.
وقۋ-اعارتۋ ءمينيسترى عاني بەيسەمباەۆ نازارباەۆ مەكتەپتەرىنەن قاتەلىك ىزدەپ, ءبلىم ورداسىنىڭ جۇمىسىنا كەدەرگى كەلتىرمەۋگە شاقىردى, دەپ حابارلايدى qandastar.kz Ulysmedia.kz.
بەيسەمباەۆ نە دەيدى?
– نازارباەۆ مەكتەپتەرى – وزىق تاجىريبەسى بار, الدىڭعى قاتارلى مەكتەپتەردىڭ ءبىرى. قازاقستانداعى ءبىلىم جۇيەسىنە ءوزىنىڭ ءتيىستى ۇلەسىن قوسىپ وتىرعان ورىسشا ايتقاندا “دوستويانيامىز”, قازاقشا ايتقاندا بايلىعىمىز. سوندىقتان, ءتۇرلى قاتەلىكتى ىزدەۋ ارقىلى شابۋىل جاساپ, ونداي مەكتەپتەردىڭ جۇمىسىنا كەدەرگى كەلتىرمەۋ كەرەك دەپ ويلايمىن, – دەدى عاني بەيسەمباەۆ.
مينيستر نازارباەۆ زياتكەرلىك مەكتەپتەرىنە جوعارعى اۋديتورلىق پالاتا ۇلكەن تەكسەرۋلەردى جۇرگىزىپ, جاقىندا اياقتاعانىن, سونىڭ قورىتىندىسى بويىنشا بىرنەشە ۇسىنىستار ايتىلىپ, تالاپتار قويىلعانىن حابارلادى.
– مەكتەپتە تاماقتانۋعا مەملەكەت تاراپىنان اقشا ءبولىنىپ وتىرعان جوق. نزم ىشكى رەسۋرستارى ارقىلى بالالاردى تاماقتاندىرۋ ماسەلەسىن شەشىپ وتىر. بۇعان دەيىن دە كيىم-كەشەكپەن قامتۋ ماسەلەسى بولعان. قازىر كوپ مەكتەپتەرگە قاراجات ءبولۋدىڭ قاجەتتىلىگى قايتا قارالىپ جاتىر, – دەدى ول.
نزم باسشىسىمەن سۇحبات
Ulysmedia.kz سايتىنىڭ باس رەداكتورى سامال يبراەۆا بۇعان دەيىن نزم باسقارما توراعاسى ءانۋار جانعوزينمەن حابارلاسىپ, نزم-ءنىڭ قازىرگى جاعدايى قالاي, ەكس-پرەزيدەنت ولارعا بارىپ تۇرا ما, الداعى تاعدىرى نە بولماق دەگەن سۇراقتارعا جاۋاپ العان ەدى.
قازاقستاندا ەلىمىزدىڭ ەكس-پرەزيدەنتى نۇرسۇلتان نازارباەۆتىڭ باستاماسىمەن قۇرىلعان جانە ونىڭ قۇرمەتىنە اتالعان نازارباەۆ زياتكەرلىك مەكتەپتەرى (نزم) بار. بۇل مەكتەپتەردىڭ جاعدايى باسقالارىنا قاراعاندا تىم جاقسى بولعانى ايتپاسا دا تۇسىنىكتى. قارجىلاندىرۋ بولسىن, پەداگوگيكالىق قۇرامى بولسىن, اۆتونومدىق باسقارۋ جۇيەسى بولسىن, ايتەۋىر جىلى-جۇمساقتىڭ ءبارى سولاردىڭ اۋزىندا بولدى. بالاڭىزدى نزم-گە تۇسىرسەڭىز جەتىپ جاتىر, كەلەشەگىنە الاڭداماساڭىز دا بولادى. باتىستىڭ جوو-نا وقۋعا ءتۇسۋ دەيسىز بە, كارەرلىك ءوسۋ دەيسىز بە, وزدىگىنەن بولا بەرەتىن يگىلىكتەر ەسىگى اشىلاتىن. الايدا جاڭا قازاقستاننىڭ جاريالانۋى جاعدايدى ءبىرشاما وزگەرتتى. مەكتەپتەرگە بولىنەتىن قارجى كۇرت قىسقاردى, مەكتەپتەردىڭ اتىن وزگەرتەدى ەكەن دەگەن اڭگىمە شىقتى. وسىعان بايلانىستى قوردالانعان سۇراقتاردىڭ بارىنە ءانۋار جانعوزين جاۋاپ بەرگەن ەدى.
