Mınıstr ýaqyt beldeýine qatysty monıtorıngtik top qurylǵanyn aıtty

Foto: ashyq derekkóz

Densaýlyq saqtaý mınıstri Aqmaral Álnazarova ýaqyt beldeýine qatysty qazaqstandyqtardyń kóńil kúıi týraly suraqqa jaýap berdi. Atap aıtqanda, sheneýnikten ýaqyttyń aýysýy qazaqstandyqtardy kúızeliske ushyratty ma degen suraq qoıyldy, dep jazady qandastar.kz

Úkimette ótken brıfıngte densaýlyq saqtaý mınıstrine qazaqstandyqtardan kúndizgi saǵattyń qysqarýynan týyndaǵan depressııalyq jaǵdaıǵa baılanysty ótinishter men shaǵymdar túsken-túspegenin surady.

Vedomstvo basshysy qazaqstandyqtardyń densaýlyq jaǵdaıyn baqylaıtyn arnaıy monıtorıngtik top qurylǵanyn aıtty.

«Biryńǵaı ýaqyt beldeýi týraly sheshim qabyldanǵannan keıin densaýlyq saqtaý mınıstrligi qoǵamdyq densaýlyq saqtaý ulttyq ortalyǵynyń bazasynda halyqtyń densaýlyǵynyń kórsetkishterine monıtorıng júrgizetin top qurdy Biz aldaǵy úsh jylda ǵylymı negizde uzaq merzimdi monıtorıng júrgizý úshin joba daıyndap jatyrmyz. Bul týraly pikir aıtý úshin ótinishterdi tirkeý kerek», – dedi Álnazarova.

Sondaı-aq jýrnalıster mınıstrdiń ýaqyttyń ózgerýine jáne «17:00-de syrtta qarańǵy bolyp qalǵanyna» qalaı qaraıtynyn surady.

«Densaýlyǵyma qatysty shaǵymdar joq. Bul úshin tıisti jumys toby quryldy», – dedi densaýlyq saqtaý mınıstri.

Eske salaıyq, buǵan deıin depýtattar ýaqyt beldeýi máselesi májilis otyrysynda qaralatynyn aıtty. 1 naýryzda Qazaqstannyń barlyq aımaǵy bir ýaqyt beldeýine aýysty. Budan bólek biryńǵaı ýaqyt beldeýine qarsy petıııa 50 myń qol jınaǵany týraly jazǵan edik. Al mınıstrlik biryńǵaı ýaqyt beldeýine qarsy petıııany qanaǵattandyrmaı qoıdy.