Mınıstr UBT-da 140 ball jınaǵan túlekti quttyqtady

QR Ǵylym jáne joǵary bilim mınıstri Saıasat Nurbek Ulttyq biryńǵaı testileýden 140 ball jınaǵan Jánibek Ábilhandy quttyqtady, dep jazdy qandastar.kz

Joǵary nátıje kórsetken talapker – Túrkistan oblysy, Ordabasy aýdanynyń mektebiniń túlegi. Mınıstr Jánibekti jetistigimen quttyqtap, ata-anasyna alǵys bildirdi. Sondaı-aq talapkerge alǵys hat pen estelik syılyq tabystady.

Kezdesý barysynda mınıstr elimizdegi joǵary bilim berý salasyndaǵy múmkindikter men Qazaqstanda ashylǵan sheteldik joǵary oqý oryndarynyń áleýetine toqtaldy.

    – Biz qarapaıym aýyl mektebiniń túlegi eń joǵary ball jınaǵanyna erekshe qýanamyz. Memleket tarapynan onyń bilimin ári qaraı damytýyna tolyq qoldaý kórsetiledi. Búginde Qazaqstan óńirlik akademııalyq hab retinde qalyptasyp keledi. Elde qurylǵan bilim berý ekojúıesi halyqaralyq seriktesterdiń qyzyǵýshylyǵyn arttyryp jatyr. Jetekshi sheteldik ýnıversıtettermen birlese otyryp, jańa bilim berý baǵdarlamalary júzege asyrylýda. Bul jetistikter Qazaqstannyń bilim berý júıesiniń halyqaralyq deńgeıde moıyndalǵanyn kórsetedi, – dedi Saıasat Nurbek.

Aıta keteıik, Jánibek Ábilhan 19 mamyr kúni Shymkent qalasyndaǵy aımaqtyq testileý ortalyǵynda «Matematıka–Informatıka» pánder kombınaııasy boıynsha synaq tapsyryp, eń joǵary nátıje kórsetti. Astanaǵa alǵash ret kelgen Jánibek elordadaǵy birqatar joǵary oqý oryndaryn aralap, bilim berý ınfraqurylymymen tanysty.