قارجى جانە تولەمدەر
مينيستر ۇكىمەتتىڭ Bazis-A, Bi Group-عا نەگە شۇيلىككەنىن تارقاتتى
فوتو: اشىق دەرەككوز
پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين Bazis-A, Bi Group سياقتى ءىرى قۇرىلىس كومپانيالارىنا جىبەرىلگەن سالىقتىق حابارلاندىرۋلار تۋرالى پىكىر ءبىلدىردى, دەپ حابارلايدى qandastar.kz
جاقىندا ۇكىمەت باسشىسى ولجاس بەكتەنوۆ بيزنەسى بار ازاماتتارعا شۇعىل ۇندەۋ جاساعان بولاتىن. پرەمەر-مينيستر كاسىپكەرلەرگە ەكى اپتا ىشىندە ادىلەتتى سالىق سوماسىن تولەۋدى سۇرادى.
«ەكى اپتا بەرىلدى. ءبىر اپتانىڭ ىشىندە قانداي وزگەرىس بار ەكەنى تۋرالى ايتا المايمىن. مەن بۇل تۋرالى ءالى اقپارات المادىم», — دەدى ۇلتتىق ەكونوميكا ءمينيسترى سەرىك جۇمانعارين.
بىزدە كامەرالدىق باقىلاۋ بار, دەپ جالعاستىردى ول.
«كامەرالدىق باقىلاۋ دەگەنىمىز اعىمداعى دۇنيە. بىلتىر ءبىز بيزنەسكە وسىنداي 400 مىڭنان استام انىقتاما بەردىك. بيىل قۇرىلىس كومپانيالارىنا تەك شەت جاعاسىن ايتتىق. بۇل ەرەكشە جاعداي ەمەس. ءبىزدىڭ اكىمشىلىك شارالارىمىز بار. كەرەك كەزدە ونى پايدالانامىز», — دەدى مينيستر ءماجىلىس كۋلۋارىندا.
