مينيستر: ۇستاز پلاتفورماسى مۇعالىمنىڭ جۇمىسىن سىرتتاي باقىلايدى

فوتو: اشىق دەرەككوز

اتتەستاتسيا – بۇل مۇعالىمدى بەلگىلى ءبىر تىعىرىققا تىرەيتىن, شارشاتاتىن نەمەسە بەلگىلى ءبىر سترەسستىك جاعداي تۋدىراتىن جاعداي بولماۋى كەرەك.

بۇل تۋرالى وقۋ-اعارتۋ ءمينيسترى عاني بەيسەمباەۆ «ءبارى اشىق» جوباسىنا بەرگەن سۇحباتىندا ايتتى, دەپ حابارلايدى qandastar.kz

ۆەدومستۆو باسشىسى ءوز سوزىندە مۇعالىمدەردى اتتەستاتسيالاۋ ۇدەرىسى تۋرالى ايتتى. بۇگىندە مۇعالىمدەردىڭ بىلىكتىلىگىن باعالاۋ ءتاسىلى پيلوتتىق تۇردە جاڭا ءادىس بويىنشا جۇزەگە اسىرىلىپ كەلەدى.

«اتتەستاتسيا بۇل مۇعالىمنىڭ جەتىستىگىن ولشەيتىن دۇنيە ەمەس, وقۋشىنىڭ جەتىستىگى ارقىلى مۇعالىمنىڭ ەڭبەگىن باعالاۋ. مەن دە ەستىپ جاتتىم كەيبىر مۇعالىمدەر «اتتەستاتسيادان ءوتۋ ءۇشىن التى اي بويى ساباقتىڭ ءبارىن تاستاپ, تۇگەلدەي اتتەستاتسيانىڭ سوڭىنان جۇردىك» دەگەندى.

سوسىن ارىپتەستەرمەن جينالىپ, ساراپشىلارمەن اقىلداستىق. بۇنىڭ سەبەپ-سالدارى انىقتالىپ, ونىڭ ەڭ ءتيىمدى شەشىمى – اۆتوماتتاندىرۋ ماسەلەسىن قولعا الدىق. ياعني ۇستاز پلاتفورماسى قۇرىلدى.

ول مۇعالىمنىڭ جۇمىسىن سىرتتاي باقىلاپ, ونىڭ دەڭگەيىن انىقتاپ, ءوسۋ جولىن قاداعالاپ وتىراتىن اۆتوماتتاندىرىلعان جۇيە. ءبىز ويلاعانداي ءبارى بىردەن بولىپ كەتپەسە دە, بىرتىندەپ قادام-قاداممەنەن وسىعان كەلۋىمىز كەرەك. بۇل جۇيە كەلەسى جىلدان باستاپ ەنگىزىلەدى جانە الداعى بەس جىلدىڭ ىشىندە تولىققاندى جۇمىس ىستەي باستايدى», — دەدى مينيستر ءوز سوزىندە.