Mınıstr: Ustaz platformasy muǵalimniń jumysyn syrttaı baqylaıdy

Foto: ashyq derekkóz

Attestaııa – bul muǵalimdi belgili bir tyǵyryqqa tireıtin, sharshatatyn nemese belgili bir stresstik jaǵdaı týdyratyn jaǵdaı bolmaýy kerek.

Bul týraly Oqý-aǵartý mınıstri Ǵanı Beısembaev «Bári ashyq» jobasyna bergen suhbatynda aıtty, dep habarlaıdy qandastar.kz

Vedomstvo basshysy óz sózinde muǵalimderdi attestaııalaý úderisi týraly aıtty. Búginde muǵalimderdiń biliktiligin baǵalaý tásili pılottyq túrde jańa ádis boıynsha júzege asyrylyp keledi.

«Attestaııa bul muǵalimniń jetistigin ólsheıtin dúnıe emes, oqýshynyń jetistigi arqyly muǵalimniń eńbegin baǵalaý. Men de estip jattym keıbir muǵalimder «attestaııadan ótý úshin alty aı boıy sabaqtyń bárin tastap, túgeldeı attestaııanyń sońynan júrdik» degendi.

Sosyn áriptestermen jınalyp, sarapshylarmen aqyldastyq. Bunyń sebep-saldary anyqtalyp, onyń eń tıimdi sheshimi – avtomattandyrý máselesin qolǵa aldyq. Iaǵnı Ustaz platformasy quryldy.

Ol muǵalimniń jumysyn syrttaı baqylap, onyń deńgeıin anyqtap, ósý jolyn qadaǵalap otyratyn avtomattandyrylǵan júıe. Biz oılaǵandaı bári birden bolyp ketpese de, birtindep qadam-qadammenen osyǵan kelýimiz kerek. Bul júıe kelesi jyldan bastap engiziledi jáne aldaǵy bes jyldyń ishinde tolyqqandy jumys isteı bastaıdy», — dedi mınıstr óz sózinde.