Mınıstr jaqynda medıına qyzmetkerlerine jasalǵan shabýyl týraly aıtty

Foto: ashyq derekkóz

Densaýlyq saqtaý mınıstri Aqmaral Álnazarova májilis kýlýarynda medıına qyzmetkerlerine jasalǵan kezekti shabýyl týraly pikir bildirdi. Mınıstr osyndaı quqyq buzýshylyqtar úshin jaýapkershilikti qatańdatýdy usynady, dep habarlaıdy qandastar.kz Orda.kz saıtyna silteme jasap.

Bul joly óreskel jaǵdaı Almatyda bolǵan, onda qabyldaý bóliminde naýqas dárigerlerge shabýyl jasaǵan.

 Ol gınekologtardyń biriniń betin qanatyp, jaraqattaǵan. Keıin zardap shekken dárigerge mı shaıqalý dıagnozy qoıyldy.

«Bul jaǵdaı bizdi taǵy da eseńgiretti. Medıınalyq qaýymdastyq, árıne, shyn júrekten ashýly. Týra bir aı buryn biz aýyr naýqastyń týystarynyń jedel járdem qyzmetkerlerin reanımaııalyq is-sharalar kezinde uryp-soqqanyn kórdik. Akýsher-gınekologqa qatysty oqıǵa da medıına qaýymdastyǵy tarapynan tereń qabyldandy», – dedi Aqmaral Álnazarova.

Mınıstrdiń aıtýynsha, vedomstvo medıına qyzmetkerlerine shabýyl jasaǵany úshin jaýapkershilikti kúsheıtýge baǵyttalǵan zańǵa ózgerister engizýge nıetti. Bul bastamany Bas prokýratýra qoldaǵan.

«Biz bul normany talqylaǵan parlament depýtattarynyń qoldaýymen osy jyldyń ishinde Qylmystyq kodekske ózgerister engizýdi josparlap otyrmyz. Bul medıına qyzmetkerlerine qyzmettik mindetterin oryndaý kezinde shabýyl jasaǵany úshin qylmystyq jaýapkershilikti kúsheıtýge múmkindik beredi», – dep tolyqtyrdy ol.

Engiziletin jaza túrleri qatarynda: aıyppuldar, bostandyqty shekteý jáne bas bostandyǵynan aıyrý bar.