مينيستر جانار-جاعارمايدىڭ الداعى وسىمىنە قاتىستى پىكىر ءبىلدىردى

ونىڭ ايتۋىنشا, باعانىڭ جوعارى شەگىن نارىقتىڭ ءوزى انىقتايدى.

«سۇرانىس پەن ۇسىنىس جاعدايىنا سۇيەنە وتىرىپ, باعاعا اسەر ەتەتىن وزگە فاكتورلار دا جەتەرلىك. ونىڭ ىشىندە — ءوندىرىس پەن قايتا وڭدەۋ تىزبەگىنىڭ ءبۇتىن بويىندا مۇناي-گاز ينفراقۇرىلىمىنا سالىنىپ وتىراتىن ينۆەستيتسيالاردى تۇراقتاندىرۋ قاجەتتىلىگى. مۇناي ونىمدەرىن ساتۋمەن اينالىساتىن جەلىلەر شىعىندارى دا ەسكەرىلەدى», — دەدى مينيستر.

ونىڭ ايتۋىنشا, تاجىريبەگە سۇيەنە وتىرىپ, بۇل نارىقتى تولىعىمەن بەتىنە بوساتۋ جىبەرۋ مۇمكىن ەمەس, ياعني رەتتەۋشى شارالارسىز.

«ەڭ دۇرىسى, باعالار كورشى ەلدەرمەن تەڭەستىرىلۋى كەرەك: سولتۇستىكتەگى – رەسەيمەن, وڭتۇستىۋتەگى – ورتالىق ازيا مەملەكەتتەرىمەن. سونداي-اق بۇل قابىلدانعان شارالارعا قاراماستان جالعاسىپ جاتقان قازاقستاندىق مۇناي ونىمدەرىنىڭ باقىلاۋسىز ەكسپورتىنىڭ الدىن الۋ ءۇشىن قاجەت. بىراق مەملەكەت ناقتى باعانى بەلگىلەۋدى ماقسات ەتپەيدى. قالاي بولعاندا دا, الەۋمەتتىك جاعداي ەسكەرىلەدى. باعا الەۋمەتتىك تۇرعىدا جاۋاپتى بولۋى كەرەك جانە مۇناي ونىمدەرى نارىعىن تۇراقسىزداندىرماۋى كەرەك. سوندىقتان باعانىڭ جوسپارعا ساي بىرتىندەپ ءوسۋى بقدا باقىلاۋىندا بولادى», — دەدى ساتقاليەۆ.

2025 جىلعى 27 قاڭتاردا ەنەرگەتيكا ءمينيسترى قازاقستانداعى بەنزين مەن ديزەل وتىنىنىڭ باعاسىن مەملەكەتتىك رەتتەۋدى جويۋ تۋرالى بۇيرىقتى بەكىتتى.