مينيسترلىك 2025-2026 وقۋ جىلىنىڭ مەرزىمى مەن دەمالىس كۇندەرىن بەكىتتى

وقۋ-اعارتۋ مينيسترلىگى ورتا ءبىلىم بەرۋ ۇيىمدارىندا 2025–2026 وقۋ جىلىنىڭ باستالۋ جانە اياقتالۋ مەرزىمدەرىن, سونداي-اق كانيكۋل كەزەڭدەرىن ناقتىلادى, دەپ جازدى Qandastar.kz

وقۋ جىلى 2025 جىلعى 2 قىركۇيەكتە باستالىپ, 2026 جىلعى 25 مامىردا اياقتالادى. ءبىلىم كۇنىنە ارنالعان سالتاناتتى جيىننىڭ ۋاقىتى مەن كۇنى مەكتەپتىڭ پەداگوگيكالىق كەڭەسىنىڭ شەشىمىمەن بەلگىلەنەدى.

ء“بىرىنشى توقساندا وقۋ ۋاقىتى – 8 اپتا. كۇزگى كانيكۋل 2025 جىلعى 27 قازاندا باستالىپ, 2 قاراشانى قوسا العانداعى 7 كۇنگە سوزىلادى. ەكىنشى توقسان 8 وقۋ اپتاسىنان تۇرادى. قىسقى كانيكۋل 2025 جىلعى 29 جەلتوقساندا باستالىپ, 2026 جىلعى 7 قاڭتاردى قوسا العانداعى 10 كۇنگە جالعاسادى. ءبىرىنشى سىنىپ وقۋشىلارى ءۇشىن قوسىمشا دەمالىس 2026 جىلعى 9 اقپاننان 15 اقپاندى قوسا العانداعى 7 كۇن بولادى”, – دەپ مالىمدەدى وقۋ-اعارتۋ مينيسترلىگى.

ءۇشىنشى توقساندا 10 وقۋ اپتاسى بار. كوكتەمگى كانيكۋل 2026 جىلعى 19 ناۋرىزدا باستالىپ, 29 ناۋرىزدى قوسا العاندا 11 كۇنگە سوزىلادى. ءتورتىنشى توقساننىڭ ۇزاقتىعى 8 وقۋ اپتاسىن قۇرايدى, وقۋ جىلى 2026 جىلعى 25 مامىردا اياقتالادى.