Mınıstrlik 2025-2026 oqý jylynyń merzimi men demalys kúnderin bekitti

Oqý-aǵartý mınıstrligi orta bilim berý uıymdarynda 2025–2026 oqý jylynyń bastalý jáne aıaqtalý merzimderin, sondaı-aq kanıkýl kezeńderin naqtylady, dep jazdy Qandastar.kz

Oqý jyly 2025 jylǵy 2 qyrkúıekte bastalyp, 2026 jylǵy 25 mamyrda aıaqtalady. Bilim kúnine arnalǵan saltanatty jıynnyń ýaqyty men kúni mekteptiń pedagogıkalyq keńesiniń sheshimimen belgilenedi.

“Birinshi toqsanda oqý ýaqyty – 8 apta. Kúzgi kanıkýl 2025 jylǵy 27 qazanda bastalyp, 2 qarashany qosa alǵandaǵy 7 kúnge sozylady. Ekinshi toqsan 8 oqý aptasynan turady. Qysqy kanıkýl 2025 jylǵy 29 jeltoqsanda bastalyp, 2026 jylǵy 7 qańtardy qosa alǵandaǵy 10 kúnge jalǵasady. Birinshi synyp oqýshylary úshin qosymsha demalys 2026 jylǵy 9 aqpannan 15 aqpandy qosa alǵandaǵy 7 kún bolady”, – dep málimdedi Oqý-aǵartý mınıstrligi.

Úshinshi toqsanda 10 oqý aptasy bar. Kóktemgi kanıkýl 2026 jylǵy 19 naýryzda bastalyp, 29 naýryzdy qosa alǵanda 11 kúnge sozylady. Tórtinshi toqsannyń uzaqtyǵy 8 oqý aptasyn quraıdy, oqý jyly 2026 jylǵy 25 mamyrda aıaqtalady.