جاڭالىقتار
مينيسترلىك اۋرۋحانالار مەن مەكتەپتەردەگى تاماقتانۋ ستاندارتتارىن قايتا قارايدى
قۇجات بالالاردى قاۋىپسىز, ساپالى جانە تەڭدەستىرىلگەن تاماقتانۋمەن قامتاماسىز ەتەتىن دۇرىس تاماقتانۋعا قويىلاتىن زاماناۋي حالىقارالىق تالاپتاردى ەسكەرەدى.
دەنساۋلىق ساقتاۋ مينيسترلىگىنىڭ مالىمەتىنشە, تۇزەتۋلەردىڭ باستى ارتىقشىلىعى-تۇزدى, قانت پەن مايدى تۇتىنۋدى ازايتۋ, كوكونىستەر مەن جەمىستەردى تۇتىنۋدى ارتتىرۋ (كوكونىستەر مەن جەمىستەر كالتسيگە, تەمىرگە, فولي قىشقىلىنا جانە بالالاردىڭ دەنساۋلىعىن قولدايتىن, يممۋندىق جۇيەسىن نىعايتاتىن باسقا دارۋمەندەرگە باي).
مينيسترلىك اتاپ وتكەندەي, تۇز بەن قانتتى تۇتىنۋدىڭ جوعارى دەڭگەيى سەمىزدىك, قانت ديابەتى, جۇرەك-قان تامىرلارى جانە ونكولوگيالىق اۋرۋلار سياقتى جۇقپالى ەمەس اۋرۋلاردىڭ دامۋىنىڭ جەتەكشى فاكتورلارىنىڭ ءبىرى بولىپ تابىلادى.
«وسىلايشا, بۇل قۇجاتتى قابىلداۋ تاماقتانۋدىڭ قاۋىپسىزدىگىن, ساپاسى مەن قولجەتىمدىلىگىن قامتاماسىز ەتۋگە باعىتتالعان, سونداي – اق ءبىلىم بەرۋ وبەكتىلەرىندە بالالاردى تاماقتاندىرۋدى ۇيىمداستىرۋعا بىرىڭعاي تالاپتار بەلگىلەۋدى كوزدەيدى», — دەلىنگەن نەگىزدەمەدە.
سونداي-اق, دەنساۋلىق ساقتاۋ مينيسترلىگى ەنگىزىلىپ جاتقان شارا ءبىلىم بەرۋ جانە تاربيەلەۋ ۇيىمدارىندا تاماقتانۋدىڭ بىرىڭعاي تاسىلدەرىن قامتاماسىز ەتۋگە, سونداي-اق اسحانالارى جوق شاعىن جيناقتالعان مەكتەپتەردە تاماقتانۋدى ۇيىمداستىرۋ فورماتىن كوزدەۋگە مۇمكىندىك بەرەتىنىن اتاپ ءوتتى.
بۇدان باسقا, وسى قۇجاتتى ىسكە اسىرۋ تاماقتان ۋلانۋ مەن جۇقپالى اۋرۋلاردىڭ الدىن الۋ تەتىكتەرىن ەنگىزۋگە مۇمكىندىك بەرەدى.
قۇجات 29 قاڭتارعا دەيىن جاريا تالقىلاۋ ءۇشىن «اشىق نقا» سايتىندا ورنالاستىرىلعان.
