Jańalyqtar
Mınıstrlik aýrýhanalar men mektepterdegi tamaqtaný standarttaryn qaıta qaraıdy
Qujat balalardy qaýipsiz, sapaly jáne teńdestirilgen tamaqtanýmen qamtamasyz etetin durys tamaqtanýǵa qoıylatyn zamanaýı halyqaralyq talaptardy eskeredi.
Densaýlyq saqtaý mınıstrliginiń málimetinshe, túzetýlerdiń basty artyqshylyǵy-tuzdy, qant pen maıdy tutynýdy azaıtý, kókónister men jemisterdi tutynýdy arttyrý (kókónister men jemister kalııge, temirge, folıı qyshqylyna jáne balalardyń densaýlyǵyn qoldaıtyn, ımmýndyq júıesin nyǵaıtatyn basqa dárýmenderge baı).
Mınıstrlik atap ótkendeı, tuz ben qantty tutynýdyń joǵary deńgeıi semizdik, qant dıabeti, júrek-qan tamyrlary jáne onkologııalyq aýrýlar sııaqty juqpaly emes aýrýlardyń damýynyń jetekshi faktorlarynyń biri bolyp tabylady.
«Osylaısha, bul qujatty qabyldaý tamaqtanýdyń qaýipsizdigin, sapasy men qoljetimdiligin qamtamasyz etýge baǵyttalǵan, sondaı – aq bilim berý obektilerinde balalardy tamaqtandyrýdy uıymdastyrýǵa biryńǵaı talaptar belgileýdi kózdeıdi», — delingen negizdemede.
Sondaı-aq, densaýlyq saqtaý mınıstrligi engizilip jatqan shara bilim berý jáne tárbıeleý uıymdarynda tamaqtanýdyń biryńǵaı tásilderin qamtamasyz etýge, sondaı-aq ashanalary joq shaǵyn jınaqtalǵan mektepterde tamaqtanýdy uıymdastyrý formatyn kózdeýge múmkindik beretinin atap ótti.
Budan basqa, osy qujatty iske asyrý tamaqtan ýlaný men juqpaly aýrýlardyń aldyn alý tetikterin engizýge múmkindik beredi.
Qujat 29 qańtarǵa deıin jarııa talqylaý úshin «Ashyq NQA» saıtynda ornalastyrylǵan.
