ءبىلىم
مينيسترلىك: «Bishimbayev University» اتاۋىمەن ءبىلىم بەرۋ قىزمەتىن جۇزەگە اسىرۋعا ليتسەنزيا بەرىلمەگەن
فوتو:pexels
قازاقستان رەسپۋبليكاسىنىڭ «ءبىلىم تۋرالى» زاڭىنىڭ 5-3-بابىنا سايكەس, كادرلار دايارلاۋ باعىتتارى مەن وقىتۋ نىساندارى بويىنشا جوعارى جانە جوعارى وقۋ ورنىنان كەيىنگى ءبىلىم بەرۋ سالاسىندا ءبىلىم بەرۋ قىزمەتىمەن اينالىسۋ ءۇشىن زاڭدى تۇلعالارعا ليتسەنزيا جانە (نەمەسە) ليتسەنزياعا قوسىمشانى بەرۋ – عىلىم جانە جوعارى ءبىلىم سالاسىنداعى ۋاكىلەتتى ورگاننىڭ قۇزىرەتىنە جاتادى, دەپ جازادى qandastar.kz
وسىعان بايلانىستى, جوعارى جانە جوعارى وقۋ ورنىنان كەيىنگى ءبىلىم بەرۋ سالاسىنداعى كەز كەلگەن ءبىلىم بەرۋ قىزمەتى مىندەتتى تۇردە ليتسەنزيالانۋعا جاتادى.
قازاقستان رەسپۋبليكاسىنىڭ «رۇقساتتار جانە حابارلامالار تۋرالى» زاڭىنا سايكەس, رۇقسات بەرۋ نەمەسە حابارلاما ءتارتىبى بەلگىلەنگەن قىزمەتتى نەمەسە ارەكەتتەردى (وپەراتسيالاردى) جەكە جانە زاڭدى تۇلعالاردىڭ ءتيىستى رۇقسات الماي نەمەسە ءتيىستى حابارلامانى جىبەرمەي جۇزەگە اسىرۋىنا جول بەرىلمەيدى.
جوعارىدا ايتىلعانداردى نەگىزگە الا وتىرىپ, مينيسترلىك «Bishimbayev University» اتاۋىمەن ءبىلىم بەرۋ قىزمەتىن جۇزەگە اسىرۋعا ليتسەنزيا بەرىلگەنىن جوققا شىعارادى, سونداي-اق «ە-ليتسەنزيالاۋ» اقپاراتتىق جۇيەسىندە ءتيىستى ءوتىنىمنىڭ بولماعانىن حابارلايدى.
