مينيسترلىك: بلوگەرلەر كىرىسىن راستاپ, سالىق تولەي باستادى

فوتو: اشىق دەرەككوز

تابىسىن تومەن كورسەتىپ سالىقتان جالتارعان قازاقستاندىق بلوگەرلەر كىرىسىن راستاپ, سالىق تولەي باستادى. بۇل تۋرالى قارجى ۆيتسە-ءمينيسترى ەرجان ءبىرجانوۆ ءمالىم ەتتى, دەپ حابارلايدى qandastar.kz

بۇگىندە 50-دەن استام بلوگەر 2,5 ميلليارد تەڭگەدەن استام كىرىسىن كورسەتتى. ولار بويىنشا سالىق تولەندى. قالعاندارى بويىنشا ءالى ۋاقىت بار, 30 جۇمىس كۇنى بەرىلدى. ناۋرىز ايىنىڭ سوڭىنا دەيىن تەكسەرۋ جۇرگىزىپ, اقپاراتتى ۇسىنامىز, — دەدى ەرجان ءبىرجانوۆ.

ايتا كەتسەك, اقپاننان باستاپ مەملەكەتتىك كىرىستەر كوميتەتى تابىسىن تومەن كورسەتكەن 594 بلوگەرگە قاتىستى 53,3 ملرد تەڭگەنىڭ حابارلاماسىن جىبەرە باستادى. تەكسەرۋ, سالىستىرۋ قورىتىندىسى بويىنشا 594 تۇلعانىڭ تابىسىندا 53,3 ملرد تەڭگەگە سايكەسسىزدىك انىقتالعان.