Mınıstrlik habarǵa jaýap berdi: Boryshker tiziliminde turǵandar býkmekerlik keńselerge aýdarylǵan qarajatyn qaıtaryp ala alady

Foto: ashyq derekkóz

Týrızm jáne sport mınıstrliginiń Oıyn bıznesin jáne lotereıany retteý komıteti 2024 jylǵy 15 qarashada taratqan baspasóz relızin keıbir BAQ jáne áleýmettik jeli qoldanýshylary qate túsinip, Boryshkerlerdiń biryńǵaı tiziliminde (BBT) turǵan azamattar býkmekerlik keńselerge aýdarylǵan qarajattaryn qaıtaryp ala alady degen jalǵan aqparat taratqan, dep jazady

Komıtet bul málimetti resmı túrde joqqa shyǵarady jáne túsindiredi:

«Oıyn bıznesi týraly» Zańnyń talaptary:

Zańnyń 15-baby, 1-tarmaǵynyń 3) tarmaqshasyna sáıkes, BBT-da tirkelgen azamattarǵa qumar oıyndarǵa jáne bás tigýge qatysýǵa tolyq tyıym salynǵan.

Jaýapkershilik jáne baqylaý:

Eger qumar oıyndarǵa nemese bás tigýge zańsyz qatysý anyqtalsa, oıyn bıznesin uıymdastyrýshylar ákimshilik jaýapkershilikke tartylady. Alaıda, bul ákimshilik sharalar aýdarylǵan aqshany májbúrlep qaıtarýdy qarastyrmaıdy.

BBT-daǵy azamattarǵa úndeý:

Komıtet BBT-da turǵan azamattardy qumar oıyndar men bás tigýge qatysýdan aýlaq bolýǵa shaqyrady jáne olardyń mundaı áreketterden ózderin qorǵaý qajettigin eskertedi.

Qarajatty qaıtarý máseleleri:

Komıtet býkmekerlik keńselerdiń shottaryna aýdarylǵan qarajattardy qaıtarýmen aınalyspaıdy jáne mundaı qyzmet kórsetýge ýákiletti emes. Eger qarajatty qaıtarýǵa qatysty daýlar týyndasa, azamattarǵa:

Sotqa deıingi retteý sýbektilerine júginý.  Azamattyq kodekstiń 9-babyna sáıkes, sotqa shaǵymdaný usynylady.

Lıenzııalanǵan býkmekerlerdi tańdaý:

Azamattarǵa tek lıenzııalanǵan býkmekerlik keńselerdiń resmı saıttarynda tirkelýge keńes beriledi. Lıenzııalanǵan keńselerdiń tizimimen myna silteme arqyly tanysýǵa bolady.