Mınıstrlik Qazaqstanda kúzde janarmaı tapshylyǵy bolýy múmkin ekenin eskertti

Foto: freepik.com

Qazaqstanda janarmaı baǵasynyń ósýi jalǵasýda, úkimet bul shegi emes ekenin, baǵa kúzde odan ári ósýi múmkin ekenin málimdedi, dep jazdy qandastar.kz

Bul týraly Stan.kz aqparat agenttigi «Jetinshi arnaǵa» silteme jasap habarlaıdy.

Telearnanyń habarlaýynsha, benzın men dızel otynynyń eń tıimdi baǵasy elimizdiń batysy men ońtústiginde – Atyraýda 92-ni lıtrine 204 teńgeden, Shymkent pen Aqtóbede lıtrine 207-210 teńgeden quıýǵa bolady. Elordalyq janarmaı quıý beketterinde AI-92 markaly benzınniń lıtri 222 teńgege deıin kóterilip úlgerdi. Memlekettik retteý alyp tastalǵaly beri janarmaı 17 teńgege qymbattady.

Sonymen qatar dızel otynynyń baǵasy Almaty, Shymkent jáne Astanada joǵary bolyp tur – lıtrine 315-319 teńge.

Bul rette Ulttyq statıstıka bıýrosy benzın baǵasynyń kóterilýi eń qajet taýarlardyń qunyna qalaı áser etkenin aıta almaı otyr. Memlekettik mekeme mundaı esepteýler júrgizilmeıtinin habarlady. Degenmen sıýjette taksı qyzmeti men azyq-túlik baǵasynyń ósýi qazirdiń ózinde qazaqstandyqtardyń qaltasyna aýyr tıip jatqany aıtylǵan.

Bıýro málimetinshe, osy jyldyń 7 aıynda eldegi ortasha ınflıaııa 7,7 paıyz boldy.

«Aqyly qyzmet kórsetý baǵasy 9,2 paıyz, onyń ishinde taksı baǵasy 11,1 paıyz, azyq-túlik taýarlarynyń baǵasy 8,4 paıyz, kartop baǵasy 39,7 paıyz, jańa pisken jemister baǵasy 22,1 paıyz, et baǵasy 11,9 paıyz ósti. Azyq-túlik emes taýarlardyń baǵasy 5,3 paıyz ósti. Ballondaǵy suıytylǵan gaz – 14,5 paıyz, dızeldik otyn – 5,9 paıyz, benzın – 4,9 paıyz», – dedi bıýronyń bas sarapshysy Syrym Qusaıyn

Munaı salasynyń sarapshylary arzan energııa tasymaldaýshy dáýiri aıaqtaldy, endi baǵa tek ósedi dep esepteıdi. Mamandardyń aıtýynsha, otandyq taýar óndirýshiler óz óniminiń qunyn ótemeı, shyǵynmen jumys istep jatyr.

«Bul áli baǵany kóterý emes, bul – jaı ǵana teńestirý. 92 markaly benzınniń naqty naryqtaǵy  shyǵynsyz quny 60 entke teń, bul – 320-350 teńge. Biz buǵan birte-birte jetemiz. Úkimet, mınıstrlik tańdaǵan úlgi baǵany birtindep álsiretip jatqany anyq», – deıdi sarapshy Oljas Baıdildınov.

Energetıka mınıstrligi alańdatarlyq boljamyn aıtty: el kúzde janarmaı tapshylyǵyna ushyraýy múmkin. Oǵan sebep – reseı rýbliniń qymbattaýy jáne sonyń saldarynan qazaqstandyq benzınniń Reseı Federaııasyna kóleńkeli eksportynyń ósýi. Bul rette úkimet janarmaı baǵasyn turaqtandyrý sharalary qazirdiń ózinde qabyldanyp jatqanyn aıtyp sendirip otyr.

«Benzın men dızel otynyna kelsek, jaǵdaıdy ózderińiz jaqsy bilip otyrsyzdar, janar-jaǵar maıdyń bul túrleri kórshilerimizge qaraǵanda munda áldeqaıda arzan jáne onyń kontrabandalyq jolmen de, zańdy jolmen de tikeleı ketýi baıqalady, tranzıttik kólik arzan janarmaı quıyp, elimiz arqyly ótip, bárimizge tapshylyq týǵyzady, sondyqtan onyń syrtqa ketýine jol bermeý úshin baǵany birtindep teńestiremiz», – dep túsindirdi premer-mınıstrdiń birinshi orynbasary Roman Sklıar.

Telearna tilshileri kórshi elderdegi benzın baǵasyn salystyryp kórgen. Máselen, Reseıde AI-92 markaly benzınniń lıtri orta eseppen 400 teńgedeı, Qyrǵyzstanda 460 teńge, О́zbekstanda 485 teńge turady.

Qazaqstan Shymkent munaı óńdeý zaýytynyń keńeıýine ıek arta otyryp, janar-jaǵarmaı óndirisin arttyrýdy josparlap otyrǵany aıtylǵan. Munaı óńdeý kólemin 6 mıllıon tonnadan 12 mıllıon tonnaǵa deıin ulǵaıtýǵa múmkindik beretin munaı óńdeý zaýytynyń ekinshi kezegin salý josparlanǵan.

EAEO elderimen shekaradaǵy ótkizý beketterinde de munaı ónimderin eksporttaý áreketteri toqtatylyp jatqanyn málimdedi. Bul sharalar benzın men dızel otynynyń jalpy qorynyń artýyna ákeldi. Osylaısha, energetıka mınıstrliginiń málimetinshe, qazir ishki naryqta munaı ónimderiniń turaqty jaǵdaı baıqalyp otyr.