مينيسترلىك كوللەدج ستۋدەنتتەرىنە قۋانىشتى جاڭالىقتى جەتكىزدى

فوتو: depositphotos.com

جاڭا وقۋ جىلىندا قازاقستاندىق كوللەدج ستۋدەنتتەرىنىڭ شاكىرتاقىسى 50 پايىزعا وسەدى, دەپ حابارلايدى Massaget.kz ءتىلشىسى.

مەملەكەت باسشىسىنىڭ تاپسىرماسىنا سايكەس ستۋدەنتتەردىڭ شاكىرتاقىسى جوسپارلى تۇردە ءوسىرىلىپ جاتىر. وتكەن جىلدىڭ قىركۇيەگىندە 250 مىڭ كوللەدج ستۋدەنتىنىڭ شاكىرتاقىسى 50 پايىزعا وسكەن بولاتىن, ال بيىلعى قىركۇيەكتە ەندى 300 مىڭنان استام ستۋدەنتتىڭ شاكىرتاقىسى تاعى 50 پايىزعا ارتادى.

تەحنيكالىق جانە كاسىپتىك ءبىلىم بەرۋ سالاسىندا مەملەكەتتىك تاپسىرىس كولەمى دە جىل سايىن ءوسىپ جاتىر. بۇگىندە 145 مىڭ گرانت بولىنگەن بولسا, ونىڭ 65%-ى تەحنيكالىق ماماندىقتارعا باعىتتالعان.

كوللەدجدەردىڭ ماتەريالدىق-تەحنيكالىق بازاسى دا قارقىندى تۇردە جاڭارىپ جاتىر. 2024 جىلدىڭ 1 جارتىجىلدىعىنىڭ قورىتىندىسى بويىنشا 104 كوللەدجدىڭ ءبىلىم بەرۋ ينفراقۇرىلىمى جاقسارتىلدى, بۇل وتكەن جىلدىڭ كورسەتكىشىنەن ەكى ەسەگە جوعارى.