ءبىلىم
مينيسترلىك قىزىلورداداعى 16 جاسار وقۋشىنىڭ جاعدايىن باقىلاۋعا الدى
فوتو: اشىق دەرەككوز
بۇگىن ايماقتىق بالا قۇقىقتارى جونىندەگى ۋاكىل زارداپ شەككەن قىزبەن جانە ونىڭ وتباسىمەن كەزدەستى. قازىرگى ۋاقىتتا وبلىستىق پسيحولوگيالىق قولداۋ ورتالىعىنىڭ ماماندارى وعان قاجەتتى پسيحولوگيالىق جانە مەديتسينالىق كومەك كورسەتۋدە, – دەپ حابارلايدى qandastar.kz.
قۇقىق قورعاۋ ورگاندارى تەرگەۋ امالدارىن جۇرگىزۋدە. سونداي-اق, وقيعانىڭ بارلىق ءمان-جايى انىقتالۋدا. اتالعان جاعداي قر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ قاتاڭ باقىلاۋىندا.
ايتا كەتەيىك, قىزىلوردا وبلىسىندا جاعاۇستاتار جاعداي ورىن الدى. «نەمولچي» قورىنىڭ جەتەكشىسى دينا ءتاڭسارىنىڭ سوزىنشە, 16 جاستاعى قىزدى سىنىپتاستارى جەزوكشەلىكپەن اينالىسۋعا ماجبۇرلەگەن.
“شىن مانىندە جاعداي ادامشوشيتىنداي بولىپ شىقتى, قىزدى ازاپتاپ, مەفەدروندى كۇشتەپ قابىلداۋعا ءماجبۇر ەتكەن, تۇنشىقتىرىپ, بالقىتىلعان پاكەتتەرمەن كۇيدىرىپ, قورلاعان, جەزوكشەلىكپەن اينالىساتىن ايەلدەردىڭ سايتىنا تىركەپ, جەزوكشەلىكپەن اينالىسۋعا ءماجبۇر ەتىپ, اقشاسىن الىپ جۇرگەن ەكەن”, – دەپ حابارلادى قور جەتەكشىسى.
