Mınıstrlik oqýshy sómkesiniń salmaǵy qansha bolý kerektigin aıtty

Qazaqstannyń densaýlyq saqtaý mınıstrliginiń ókilderi mektep sómkesine qatysty ata-analarǵa úndeý jasap, oqýshylarǵa arnalǵan sómkelerdi qalaı durys tańdaý kerektigin aıtty. Bul týraly Qandastar.kz vedomstvonyń baspasóz qyzmetine silteme jasap habarlaıdy.

Densaýlyq saqtaý mınıstrligi jańa oqý jylynda balaǵa arnalǵan sómkeni durys tańdaý asa mańyzdy ekenin jetkizdi. Medıına qyzmetkerleriniń málimetinshe, tym aýyr ári qolaısyz sómke oqýshynyń densaýlyǵyna zııan keltirýi múmkin.

Normalarǵa sáıkes salmaq: • 1–3 synyp — 2 kg deıin • 4–5 synyp — 2,5 kg deıin • 6–7 synyp — 3,5 kg deıin • 8–11 synyp — 4,5 kg deıin

Mınıstrlik ókilderi sómkeniń salmaǵy balanyń dene salmaǵynyń 10%-nan aspaýy tıis ekenin eskertti.

Mamandar keń ári jumsaq tósemdi beldikteri bar, arqasy ortopedııalyq bolyp keletin sómkelerdi tańdaýǵa keńes beredi. Oǵan qosa sómkeniń jeńil jáne sý ótkizbeıtin materıaldan jasalýy mańyzdy, jaryq shaǵylystyrǵyshtar da mindetti túrde bolýy kerek deıdi olar.

Mınıstrlik ókilderi ata-analardy balanyń sómkesin artyq zattardan tazalap turýǵa, ony eki ıyqpen kıip júrýge úıretýge shaqyrdy. Sómke aýyr bolyp jatsa, kitaptardy mektepte qaldyrýdy muǵalimmen aqyldasýǵa keńes berdi.