Mınıstrlik pikir bildirdi: Semeıde muǵalim shyrsha bezendirip, jaraqat alǵan

Foto: jeke qorynan

Semeı qalasynda muǵalimderdi jańajyldyq shyrshany bezendirýge tartqan. Shara barysynda muǵalim jaraqat aldy, dep jazdy qandastar.kz

Mınıstr oqıǵaǵa qatysty mynadaı pikir bildirdi.

“Pedagogterdi kásibı mindetterine jatpaıtyn mundaı jumystarǵa tartý – «Pedagog mártebesi týraly» zańdy óreskel buzý dep sanaımyn. Bul oqıǵaǵa baılanysty oblys basshylyǵy ádil ári jan-jaqty tekserý júrgizip, aldaǵy ýaqytta mundaı keleńsizdikterdiń qaıtalanýyna jol bermeý úshin tıisti sharalar qabyldaıdy dep úmittenemin.

Memleket basshysy pedagogterdiń qoǵamdaǵy róline erekshe mán berip, olardyń quqyqtarynyń «Pedagog mártebesi týraly» zań aıasynda qatań saqtalýyn árdaıym nazarda ustap keledi. Osy oraıda bilim basqarmalary men bólim basshylaryna zań talaptaryn qatań oryndaýǵa erekshe nazar aýdarýdy eskertemin.

Qýat Aıtqalıevtiń otbasyna shynaıy qoldaý bildire otyryp, onyń tezirek saýyǵýyn tileımin. Qazirgi ýaqytta oǵan barlyq qajetti medıınalyq kómek kórsetilip jatyr. Bul jaǵdaı erekshe baqylaýǵa alyndy”,- dep jazdy mınıstr.