مينيسترلىك سوڭعى قوڭىراۋعا قاتىستى وزگەرىستى حابارلادى

فوتو: اشىق دەرەككوز

ءداستۇرلى تۇردە 34 اپتاعا سوزىلاتىن وقۋ جىلى اياقتالۋعا جاقىن. ەلىمىز بويىنشا بيىلعى وقۋ جىلىن 3,9 ميلليوننان استام وقۋشى قورىتىندىلايدى. 217 مىڭنان استام 11-سىنىپ وقۋشىسى مەكتەپ بىتىرەدى,  دەپ حابارلايدى qandastar.kz

بىلتىرعىداي, سوڭعى وقۋ كۇنى – 23 مامىردا ەلىمىزدىڭ بارلىق مەكتەبىندە «ءبىلىمىم – وتانىما» تاقىرىبىندا بىرىڭعاي سىنىپ ساعاتى وتەدى.

– بۇل – بۇكىل ءبىلىم بەرۋ جۇيەسى ءۇشىن ماڭىزدى شارا, وقۋشىلار مەن ۇستازدار وقۋ جىلىن قورىتىندىلاپ, ەڭ ماڭىزدى ءارى قىزىقتى ساتتەردى بىرگە ەسكە الادى.بىرىڭعاي سىنىپ ساعاتى وقۋشىلاردىڭ بويىندا بىلىمگە ۇمتىلىس, پاتريوتيزم جانە ەڭبەكقورلىق سياقتى قاسيەتتەردى قالىپتاستىرۋعا باعىتتالعان. بالالاردىڭ وقۋداعى ءاربىر جەتىستىگى – بولاشاعىمىزدىڭ ىرگەتاسىن بەرىك ەتىپ قالاۋدىڭ نەگىزى, – دەپ مالىمدەدى مينيسترلىك.

بيىل وقۋ جىلىنىڭ رەسمي اياقتالۋى جەكسەنبى كۇنىمەن سايكەس كەلگەندىكتەن, 11-سىنىپ تۇلەكتەرى ءۇشىن سالتاناتتى ءىس-شارا مەكتەپ اكىمشىلىگىنىڭ شەشىمىمەن 23 نەمەسە 24  مامىردا وتەدى.

– سونداي-اق بارلىق وقۋشى ءۇشىن تەڭ جاعداي مەن قاۋىپسىزدىكتى قامتاماسىز ەتۋ ءۇشىن مەكتەپ فورماتىنان تىس, ءسان-سالتاناتتى ءىس-شارالار ۇيىمداستىرۋ, اقشا جيناۋ, اۆتوكولىكپەن شەرۋگە شىعۋ جانە باسقا دا مەرەكەلەۋ تۇرلەرىنە جول بەرىلمەيتىنىن تاعى دا ەسكە سالامىز, – دەلىنگەن حابارلامادا.