جاڭالىقتار
مينيسترلىك «STOP-ترافيك» شاراسىنىڭ اياسىندا 44 قىلمىستى انىقتادى
فوتو: اشىق دەرەككوز
ىشكى ىستەر مينيسترلىگىمەن جۇيەلى نەگىزدە ۇيىمداسقان سيپاتتاعى ادام ساۋداسىنا جانە ونىمەن بايلانىستى قىلمىسقا قارسى ءىس-قيمىل بويىنشا جۇمىس جۇرگىزىلىپ جاتىر, دەپ جازدى qandastar.kz
قاراشا ايىنىڭ سوڭىندا ۇيىمداسقان قىلمىسقا قارسى كۇرەس بولىمشەلەرىمەن «STOP-ترافيك» جەدەل پروفيلاكتيكالىق ءىس-شاراسى وتكىزىلىپ, 44 قىلمىس انىقتالدى.
ادامداردىڭ «ترافيگىنە» بايلانىستى ۇيىمداسقان قىلمىستىق توپقا (بۇدان ءارى ۇقت) قاتىسقانى ءۇشىن سوتقا دەيىنگى 2 قىلمىستىق ءىس تىركەلىپ, تەرگەۋ باستالدى.
اتاپ ايتقاندا, استانادا جىنىستىق قاناۋ بويىنشا جۇيەلى تۇردە قىلمىس جاساعان, ۇقت-نىڭ قىلمىستىق ارەكەتى توقتاتىلىپ, 5 كۇدىكتى ادام قاماۋعا الىندى.
سونداي-اق پاۆلودار وبلىسىندا وسىنداي ۇقت-نىڭ جولى كەسىلىپ, 5 قىلمىسقا قاتىسۋشى تۇلعا قىلمىستىق جاۋاپكەرشىلىككە تارتىلۋدا.
ەڭبەككە قاناۋ فاكتىلەرىن انىقتاۋ بويىنشا جۇمىستار جۇرگىزىلدى.
اباي وبلىسىندا, 3 جىل بويى 40 جاستاعى ەر ادامدى فيزيكالىق زورلىق-زومبىلىق كورسەتىپ, ەڭبەك قاناۋىنداۇستاعان شارۋا قوجالىعىنىڭ يەسى ۇستالدى. جابىرلەنۋشىگە مەديتسينالىق جانە پسيحولوگيالىق كومەك كورسەتىلدى.
سونىمەن قاتار قوناەۆ قالاسىندا كازينولاردىڭ بىرىندە جۇيەلى نەگىزدە سەكسۋالدىق سيپاتتاعى قىزمەتتەر كورسەتۋ فاكتىلەرى انىقتالدى. پوليتسياعا 14 ادام, ونىڭ ىشىندە وسى مەكەمەنىڭ قىزمەتكەرلەرى جەتكىزىلدى.
وسىعان ۇقساس قىلمىستار بۇكىل ەلدە انىقتالدى. وسى باعىتتاعى ءىس-شارالار جالعاسۋدا.
