جاڭالىقتار
مينيسترلىك تەگىن دارىلەردىڭ ءتىزىمىن قىسقارتپاق
فوتو: اشىق دەرەككوز
دەنساۋلىق ساقتاۋ مينيسترلىگى ەمدەلۋشىلەردى قاجەتتى ءدارى-دارمەكپەن قامتاماسىز ەتۋ جۇيەسىن جاڭارتۋدى كوزدەپ وتىر, دەپ جازدى qandastar.kz
«جوبادا ءولىم-ءجىتىم مەن ءومىر ءسۇرۋ ۇزاقتىعىنا اسەر ەتەتىن سوزىلمالى اۋرۋلاردى ەمدەۋگە باسىمدىق بەرىلىپ, وسى كريتەريلەرگە سايكەس كەلمەيتىن 32 نوزولوگيانى تىزىمنەن الىپ تاستاۋ جوسپارلانعان», – دەلىنگەن «اشىق نقا» پورتالىندا جاريالانعان قۇجاتتا.
تىزىمنەن كاپسۋلالار, جاقپا مايلار, كوز تامشىلارى, ۇنتاقتار, ينەكتسياعا ارنالعان ەرىتىندىلەر جانە تابلەتكالار سياقتى ونداعان ءدارى-دارمەك الىنۋى مۇمكىن.
قۇجات 14 اقپانعا دەيىن قوعامدىق تالقىلاۋعا سالىنادى.
