جاڭالىقتار
مينيسترلىك تۇرمەدەگى ايەلدەرگە راقىمشىلىق جاساۋ جونىندەگى ۇسىنىستى قولدادى
فوتو: اشىق دەرەككوز
مينيسترلىك تۇرمەدەگى ايەلدەرگە راقىمشىلىق جاساۋ جونىندەگى ۇسىنىستى قولدادى, دەپ جازدى qandastar.kz
ىشكى ىستەر مينيسترلىگى دەپۋتات قاراقات ابدەننىڭ ايەلدەرگە راقىمشىلىق جاساۋ جونىندەگى ۇسىنىسىن قولداپ وتىر. الايدا ونىڭ بىرقاتار تەرىس تۇستارى بار كورىنەدى. سەبەبى قىلمىستان زارداپ شەككەن ازاماتتار اراسىندا نارازىلىق تۋىنداپ, ال راقىمشىلىق جاساعاندار قايتادان زاڭ بۇزۋى مۇمكىن. رەسمي مالىمەتكە سۇيەنسەك, قازىر 6399 ايەل جازاسىن وتەپ جاتىر.
atamekenbusiness_qaz حابارلعانداي, ونىڭ 2692-ءسى باس بوستاندىعىنان ايىرۋ ورىندارىندا بولسا, 3707-ءسى پروباتسيالىق باقىلاۋعا الىنعان. مينيستر ەرجان سادەنوۆ كونستيتۋتسيا بويىنشا زاڭ مەن سوت الدىندا ءبارى بىردەي ەكەنىن دە ەسكە سالدى.
«ەشكىمدى جىنىسىنا بايلانىستى كەمسىتۋگە بولمايدى. الەۋمەتتىك وسال ادامدار ساناتىنا جاتاتىن سوتتالعان ەرلەر سانى – 920 ادام. سونىمەن قاتار, ءبىرىنشى رەت سوتتالعانداردى جانە زورلىق-زومبىلىقسىز قىلمىستار جاساعانداردى بوساتۋ ماسەلەسى جابىرلەنۋشىلەردىڭ قۇقىقتارىن قورعاۋدى ەسكەرە وتىرىپ, ودان ءارى تالداۋدى قاجەت ەتەدى», — دەدى ءىىم باسشىسى.
ونىڭ سوزىنشە, 1,2 مىڭنان استام ايەل راقىمشىلىققا ءىلىنۋى مۇمكىن. جالپى ەكى مىڭنان استام سوتتالعاندى بوساتۋ ءبىر جىلدا 2,1 ملرد تەڭگە بيۋدجەت قاراجاتىن ۇنەمدەۋگە مۇمكىندىك بەرمەك.
