ءبىلىم
مينيسترلىك جالعان ديپلومدارعا قاتىستى ەسكەرتۋ جاسادى
فوتو: اشىق دەرەككوز
قر عىلىم جانە جوعارى ءبىلىم مينيسترلىگى جالعان ديپلوم جاساتىپ, ساتىپ الاتىندارعا ارنايى ۇندەۋ جولدادى, دەپ حابارلايدى qandastar.kz
«قازىر ينتەرنەت كەڭىستىگىندە جالعان ديپلومدار تۋرالى ءتۇرلى اقپارات كەڭ تارالىپ جاتىر.
ديپلومداردىڭ زاڭسىز اينالىمىن بولدىرماۋ ءۇشىن قر عىلىم جانە جوعارى ءبىلىم مينيسترلىگى 1991 جىلدان بەرى بەرىلگەن ديپلومداردىڭ بازاسىن قۇردى.
2021 جىلدان باستاپ بارلىق جوعارى وقۋ ورىندارى وزىندىك ۇلگىدەگى ديپلومدار بەرىپ كەلەدى, ال ولاردىڭ تۇپنۇسقالىعىن تەكسەرۋ جوعارى ءبىلىم بەرۋدىڭ بىرىڭعاي پلاتفورماسى ارقىلى جۇزەگە اسىرىلادى.
1991 جىلدان بەرى بەرىلگەن ديپلومدار كەزەڭ-كەزەڭىمەن تسيفرلاندىرىلىپ, 3 ميلليوننان استام دەرەك بازاعا ەنگىزىلدى.
جالعان ديپلومداردى جاساۋ نەمەسە پايدالانۋ زاڭمەن قاتاڭ جازالاناتىنىن ەسكەرتەمىز», – دەلىنگەن جازبادا.
