مينيسترلىكتەن قۇرىلعان جۇمىس توبى قوستانايداعى زاۋىتتاردى ارالادى

فوتو: قر ونەركاسىپ جانە قۇرىلىس مينيسترلىگى

ۋتيل الىمى ماسەلەلەرى بويىنشا پەتيتسيانى قاراۋ جونىندەگى جۇمىس توبى  27 ماۋسىمىندا قوستاناي قالاسىنا باردى. وسىعان دەيىن جۇمىس توبىنىڭ وتىرىستارىنا قاتىسپاعان پەتيتسيانىڭ باستاماشىلارى مەن بەلسەندىلەرى «متز-قازاقستان ماشينا جاساۋ زاۋىتى» جشس زاۋىتىن ارالاۋعا كەلدى,- دەپ حابارلايدى qandastar.kz قر ونەركاسىپ جانە قۇرىلىس مينيسترلىگىنىڭ ءباسپاسوز قىزمەتىنە سىلتەمە جاساپ.

جۇمىس توبىنىڭ قۇرامىندا قر پارلامەنتىنىڭ دەپۋتاتتارى, ونەركاسىپ جانە قۇرىلىس, ەكولوگيا جانە تابيعي رەسۋرستار, اۋىل شارۋاشىلىعى مينيسترلىكتەرىنىڭ ۆيتسە-مينيسترلەرى, ىشكى ىستەر, مادەنيەت جانە اقپارات, ۇلتتىق ەكونوميكا, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىنىڭ, جاسىل دامۋ» اق, «قازاقستاننىڭ اۆتوكولىك وداعى» زتب, «قازاقستاننىڭ ونەركاسىپتىك ينۆەستورلار وداعى» زتب, «قازاقستاننىڭ تاۋەلسىز بيزنەس وداعى» زتب, وكىلدەرى, سونىمەن قاتار پەتيتسيا باستاماشىلارى قاتارىنان «رەسپۋبليكالىق قايتالاما مەتاللۋرگيا ونەركاسىپشىلەر وداعى» اسسوتسياتسيالارى, دەربەس اۆتوموبيل وداعى جانە «ادىلدىك ءۇشىن» قق وكىلدەرىنىڭ بار ەكەنىن ەسكە سالامىز.

«زاۋىتتى زەرتتەگەننەن كەيىن مەن ەلىمىزدە ونەركاسىپتىك ايماقتار مەن روبوتتى ءوندىرىس جەلىلەرى بار زاماناۋي زاۋىتتار بار ەكەنىن ماقتان تۇتامىن. مەنىڭ ويىمشا, جۇرتشىلىققا قازاقستاندىقتار جۇمىس ىستەيتىن, الەۋمەتتىك كەپىلدىكتەر مەن جۇمىس ورىندارىن الاتىن زاۋىتتارىمىز بار ەكەنىن جەتكىزۋ ماڭىزدى. بۇل جەردە ءبىز كادەگە جاراتۋ مەن ونەركاسىپتى دامىتۋدى ءبولىسۋىمىز كەرەك ەكەنىن ءتۇسىنۋىمىز كەرەك. اۆتووندىرۋشىلەر كادەگە جاراتۋ الىمىنىڭ تىكەلەي بەنەفيتسيارلارى بولىپ تابىلمايدى, سوندىقتان ولاردى مۇددەلىلىك ءۇشىن كىنالاۋعا بولمايدى», – دەدى ءماجىلىس دەپۋتاتى ولجاس قۇسپەكوۆ.

«متز-قازاقستان ماشينا جاساۋ زاۋىتى» جشس – «BELARUS» ماركالى تراكتورلار شىعاراتىن كاسىپورىن. زاۋىتتىڭ وندىرىستىك قۋاتى جىلىنا 3000 تراكتور شىعارۋعا ەسەپتەلگەن. كاسىپورىن اۋىل-شارۋاشىلىق تراكتورلارىنىڭ 20 ءتۇرىن شىعارادى.

جۇمىس توبىنىڭ قاتىسۋشىلارى ءوندىرىس بارىسىمەن تانىسۋ ءۇشىن زاۋىتتى ارالادى. توپتىڭ تولىق قۇرامى تراكتوردى قۇراستىرۋ بارىسىن باسىنان باستاپ باقىلاعانىن ايتا كەتكەن ءجون.

جۇمىس توبى وسىدان كەيىن «اگروماشحولدينگ KZ» اق, «Allur», «KamLitKZ» جشس زاۋىتتارىنا, سونداي-اق «قوستاناي اۆتوموبيل كولىگى كوللەدجىنە» بارۋدى جوسپارلاپ وتىر.