«Mıss Qazaqstan» baıqaýyna transgenderler de qatysatyn boldy

18 maýsymda ótken baspasóz máslıhatynda Miss Qazaqstan qoǵamdyq qorynyń dırektory Aıjan Rýzaeva «Mıss Qazaqstan» baıqaýyna transgender adamdar men dene bitimi ereksheleý arýlar da qatysa alatynyn málimdedi. Bul týraly qandastar.kz aqparat portaly Stan.kz-ke silteme jasap habarlaıdy.

Baıqaýdyń fınaly bıyl kúzde Almaty metrosynda ótedi.

«Plus-size arýlar qatysa almaıdy degendi kim aıtty? Biz mundaı qatysýshylardy qýana qarsy alamyz. Biz bárin kútemiz. Meıli ol transgender bolsyn, meıli plus-size bolsyn – bul erkin tańdaý. Eger adam ózin solaı sezinse, qatysa alady. Biz bárine ashyqpyz. Eger plus-size qyz kelip, ádemi, harızmatıkalyq, jarqyn bolsa, ony da qarastyramyz. 90-60-90 ólshemderi baıaǵyda-aq umyt bolǵan, – dedi Aıjan Rýzaeva.

Dástúrli túrde baıqaý fınalyna elimizdiń 15 óńirinen kelgen arýlar qatysady.

Fınal 30 qarasha kúni túngi 23:00-de Almaty metrosyndaǵy «Muhtar Áýezov teatry» stanııasynda ótedi. Mundaı kesh ýaqytty uıymdastyrýshylar jolaýshylar qozǵalysyna kedergi keltirmes úshin tańdaǵan. Baıqaý jabyq formatta ótedi, bılet satylmaıdy. Fınaldy tek arnaıy jiberilgen aty-jóni jazylǵan shaqyrtýlarmen ǵana kórýge bolady. Is-sharany shamamen 90 adam tamashalaı alady, olardyń qatarynda blogerler men jýrnalıster bar. Qalǵan kórermender baıqaýdy resmı onlaın translıaııalar arqyly kóre alady.