«Mıssııa nevypolnıma» fılminde oınaǵan tanymal  akter Comic Con Astana festıvaline keledi

Foto: ashyq derekkóz

 Bıyl festıvalge birden úsh juldyzdy hedlaıner qatysady, dep jazady qandastar.kz

 Comic Con Astana uıymdastyrýshylary Ortalyq Azııadaǵy eń iri gık-mádenıet festıvaline qatysýshylarynyń esimin jarııalaýdy jalǵastyrýda. Endı Serkısten keıin hedlaınerler qataryna áıgili amerıkalyq akter Esaı Morales qosyldy. Ol «Ozark» jáne «Tıtandar» serıalyndaǵy rólderimen, sondaı-aq Tom Krýzben birge túsken «Mıssııa nevypolnıma» franshızasynyń sońǵy eki bólimindegi sheberligimen tanymal.

Esaı Morales – kópqyrly mansabymen tanymal gollıvýdtyq juldyz. Onyń akterlik joly 40 jyldy qamtıdy. Ol úlken ekranda 1980-jyldary debıýt jasap, kýltke aınalǵan «La Bamba» fılminde Rıchı Valenstyń aǵasynyń róli arqyly keń tanymal boldy. Osy jyldar ishinde Morales ózin drama janryndaǵy tereń rólderden bastap dáleldep, harızmasy joǵary zulym keıipkerlerge deıin somdaı alatynyn baıqatty. Osylaısha, sırek kezdesetin dıapazondaǵy akter retinde qalyptasty. Qalyń kórermenge ol Netflix platformasyndaǵy tanymal «Ozark» serıalyndaǵy antagonıst Kamıno Del Rıonyń róli arqyly da belgili. Al DC sýperqaharmandyq áleminde Morales «Tıtandar» serıalynda Sleıd Ýılson (Defstroýk) beınesin somdaǵan.

Sońǵy jarqyn jobalarynyń biri – Morales basty antagonıst Gabrıel rólin somdaǵan «Mıssııa nevypolnıma» boldy. Ol –  Itan Hanttyń (Tom Krýz) harızmasy joǵary qarsylasy. Osy róli arqyly Esaı úlken ekrandaǵy eń áserli zulym keıipkerlerdiń biri ekenin taǵy bir márte kórsetti.

Akter qatysqan basqa da jobalar qatarynda mynadaı serıaldar bar: «Ot zakata do rassveta», «Kak ızbejat nakazanııa za ýbııstvo», «Kaprıka», «Ierıhon», «C.S.I.: Maıamı», «Baıkı ız sklepa», «Sýmerechnaıa zona», «Za granıý vozmojnogo», «Ognennyı sezon», «Moıa semıa», «Naııa fastfýda» fılmderi, taǵy basqalary.

2025 jyly Comic Con Astana baǵdarlamasyn jáne qonaqtarynyń geografııasyn keńeıtip qana qoımaı, óz tarıhynda alǵash ret úsh hedlaınerdi birden jarııalamaq. Úshinshi ártistiń esimin uıymdastyrýshylar jaqyn kúnderi habarlaıtyn bolady.

Is-shara bes kúnge sozylyp (9-dan 13 shildege deıin) alǵash ret eki iri alańda ótedi: «Astana-Arena» stadıony men MLD «Barys-Arena».

Condaı-aq, 2025 jylǵy festıvaldiń hedlaıneri – brıtanııalyq akter, rejısser jáne ıfrlyq keıipkerlerdi ekranǵa shyǵarý salasyndaǵy jańashyl adam Endı Serkıs. Ol – qozǵalysty túsirý tehnologııalaryn damytý arqyly kıno ındýstrııasynda tóńkeris jasaǵan tulǵa. Ártúrli jyldary Comic Con Astana hedlaınerleri retinde álemdik ındýstrııanyń tanymal juldyzdary óner kórsetken, olardyń arasynda  Mads Mıkkelsen, Pılý Asbek, Maıkl Rýker, Shon Gann, Persı Haıns Ýaıt jáne basqalar bar.

Festıval «Astana Tourism» JShS Týrızmdi damytý ortalyǵynyń qoldaýymen ótedi.

Festıval aıasynda kóptegen taqyryptyq aımaqtar men jarqyn seriktestik ıntegraııalar usynylady. Árbir aımaq qonaqtarǵa erekshe áser men umytylmas tájirıbe syılamaq.

Festıvalge jyldam tamaqtaný jelisi I’M qaıta oralady. Bıylǵy jyldyń gastronomııalyq jańalyǵy –  shyryndy french-dog alǵash ret festıval alańynda usynylady.

Perfetti Van Melle kompanııasy atynan aty ańyzǵa aınalǵan Chupa Chups brendi qatysady. Brend aımaǵynda qonaqtardy Chupa Chups stılindegi áserli ınstallıaııalar kútedi. Ol – qatysýshylarǵa sapaly ári kórkem fotolar jasaýǵa taptyrmas múmkindik. Buǵan qosa árbir adamdy baqyt pen balalyq shaqtyń dámin eske túsiretin túrli syılyqtar men tosynsyılar kútedi.