Mıy shaıqalyp, bet-aýzy kógergen: Aqtaýda ógeı ákesi 16 jastaǵy qyzdy shashynan súırep, kóshe boıynda soqqyǵa jyqqan

Foto: pixabay.com

Aqtaýda ógeı ákesi 16 jastaǵy qyzdy soqqyǵa jyqqan. Mıy shaıqalyp, bet-aýzy kógergen qyz qazir aýrýhanada jatyr. Polıııa «Densaýlyqqa qasaqana zııan keltirý» baby boıynsha is qozǵady, dep jazdy qandastar.kz

Bul týraly Stan.kz aqparat agenttigi 31-arnanyń Informbıýro baǵdarlamasyna silteme jasap habarlaıdy.

Mańǵystaý oblysy ákimdigi janyndaǵy kámeletke tolmaǵandardyń isi jónindegi komıssııa ókilderi anasy men qyzy uzaq jyldar boıy zorlyq-zombylyq kórip kelgenin anyqtaǵan. Mamandardyń aıtýynsha, kúdikti áıeli men ógeı qyzyna kún kórsetpeı, uryp-soqqan.

Polıııa bul jaǵdaı boıynsha «Densaýlyqqa qasaqana zııan keltirý» babymen is qozǵap, tergeýdi bastap ketti.

«Kámeletke tolmaǵan jasóspirim qyzdyń ógeı ákesinen qorlyq kórip, ony uryp-soqqany týraly habarlama kelip tústi. Kómek surady. Búgin psıhologymyz baryp qyzben sóılesip, oǵan moraldyq, psıhologııalyq qoldaý kórsetti. Qyz balanyń boıynda áli de qorqynysh, úreı bar», – deıdi kámeletke tolmaǵandardyń isi jónindegi komıssııa múshesi Svetlana Álibekova.

Onyń aıtýynsha, qazir bul is boıynsha komıssııa men polıııa departamenti jáne oblystyq prokýratýra birigip jumys istep jatyr.