Mobıldi aýdarymdar: kimder baqylaýǵa alynady?

Foto: gov.kz

1 qańtardan bastap aı saıyn 100 túrli tulǵadan mobıldi aýdarym alǵan azamattar baqylaýǵa alynady.

1 qańtardan bastap aı saıyn 100 túrli tulǵadan mobıldi aýdarym alǵan azamattar baqylaýǵa alynady, – dep habarlaıdy  qandastar.kz Qaz365.kz-ke silteme jasap.

Memlekettik kirister komıtetiniń aqparatynsha, qazir keıbir kásipkerler bankterde ashylǵan jeke shotyna satylǵan taýar, kórsetilgen qyzmet úshin mobıldi aýdarymdar arqyly aqy alady. Iaǵnı, baqylaý-kassa mashınalary (BKM) men POS-termınaldardy qoldanbaıdy, tıisinshe klıentke chek bermeıdi.

Salyq organdary bul eskertý túrindegi ákimshilik jaýapkershilik kózdelgen zańbuzýshylyq ekenin eske saldy. Al eger zańbuzýshylyq qaıtalansa, salyq tóleýshiniń sýbektiligine baılanysty 15-ten (51 750 teńge) 50 AEK-ke (172 500 teńge) deıin aıyppul salynady.

Kimder baqylaýǵa alynady?

Qazaqstan Konstıtýııasyna sáıkes salyq tóleý – árkimniń mindeti. Salyq organdary zańsyz kásipkerlik qyzmetti kóleńkeden shyǵarý maqsatynda tıisti baqylaý júrgizedi. 2024 jyldan bastap bank uıymdary jeke kásipkerlerdiń mobıldi aýdarymdary boıynsha derekterdi beredi. Kúntizbelik úsh aı qatarynan aı saıyn 100 túrli tulǵadan mobıldi aýdarymdar alǵan azamattar baqylaýǵa alynady.

Baqylaý-kassa mashınalaryn qoldanýdy jeńildetý úshin 2022 jyldan bastap BKM fýnkııalaryn ekinshi deńgeıdegi bankterdiń POS-termınaldarymen biriktirý boıynsha qanatqaqty joba júrgizilip jatyr. Bul BKM men POS-termınaldyń bir chegin berýge múmkindik beredi. Atalǵan jobaǵa qatysyp jatqan bankter – «Kaspıı bank» AQ, «Halyq bank» AQ jáne «Bank entrKredıt» AQ.

Sonymen qatar BKM chekterin bermeý faktilerin anyqtaý boıynsha «Azamattyq baqylaý – Chekti talap et» akııasy da qolǵa alyndy. Anyqtalǵan buzýshylyqtar týraly «Wipon cashback» tegin mobıldi qosymshasy arqyly habarlaýǵa bolady.

Qarjy mınıstrliginiń málimdeýinshe, joǵaryda atalǵan ózgerister adal salyq tóleýshilerge áser etpeıdi jáne tek zańsyz kásipkerlik qyzmetti kóleńkeden shyǵarýǵa baǵyttalǵan. Iaǵnı, jeke tulǵalar, burynǵydaı, ózderiniń jeke maqsattary úshin týystaryna, dostaryna, ata-analary men balalaryna jáne basqa da ómirlik jaǵdaılarǵa arnalǵan aýdarymdardy jasaı alady jáne qabyldaı alady.