قارجى جانە تولەمدەر
ءموبيلدى اۋدارىمداردى باقىلاۋدىڭ جاڭا ءتاسىلى ەنگىزەدى
فوتو: اشىق دەرەككوز
ءموبيلدى اۋدارىمداردى باقىلاۋدىڭ جاڭا ءتاسىلى 2026 جىلدان باستاپ ەنگىزىلەدى, دەپ جازادى qandastar.kz
جاڭا ەرەجەلەرگە سايكەس, ەگەر ءبىر تۇلعا ءۇش اي بويى ءارتۇرلى 100 دەرەككوزدەن اۋدارىمدار السا جانە ولاردىڭ جالپى سوماسى 12 ايلىق ەڭ تومەنگى جالاقى مولشەرىنەن اساتىن بولسا, وندا وسىنداي اۋدارىمدار مونيتورينگكە الىنادى.
«بۇل شارالار سالىق كودەكسى جوباسىندا قاراستىرىلعان, بۇگىن ونى ءماجىلىس قابىلدادى. سەناتپەن كەلىسىلگەننەن كەيىن ءبىز ۇلتتىق بانكپەن بىرگە بىرلەسكەن بۇيرىق شىعارا الامىز. ءتىپتى ەگەر ءبىز بۇل نورمالاردى مامىر نەمەسە ماۋسىم ايلارىندا قابىلداساق تا, بانكتەردەن اقپاراتتى تەك جىلدىڭ سوڭىندا الامىز. ياعني, 2026 جىلى 2025 جىلعا قاتىستى دەرەكتەردى باقىلاۋعا الامىز. ءبىز تەك جىلىنا ءبىر رەت تەكسەرۋ جۇرگىزەمىز», – دەدى قارجى ۆيتسە-ءمينيسترى ەرجان ءبىرجانوۆ.
