موبيلوگرافيا جانە قازۇۋ

يسلامنىڭ ايتۋىنشا, موبيلوگرافيانى تەك تابىس كوزى رەتىندە قاراستىرماۋ ءۇشىن دامۋشى ورتامەن قارىم-قاتىناستا بولۋ كەرەك, ياعني جەكە موبيلوگراف رەتىندە ءوز قىزمەتىڭدى ۇسىنعاندا, ءوزىڭ ءۇشىن قىزىقتى, تانىمدىق ورتانى تاڭداۋ كەرەك. ول ءسان سالونى, ءبىلىم بەرۋ ورتالىعى, تىلدىك كۋرستار نەمەسە كوۋچ-ترەنەر, جەكە كاسىپكەر, اۆتوبلوگەر, پسيحولوگ بولۋى مۇمكىن. بۇل ارقىلى وزىڭە پايدالى اقپاراتتى تەگىن الۋ مۇمكىندىگىنە يە بولاسىڭ, ءارى ءوز قىزمەتىڭ ءۇشىن جالاقى تولەنەدى. سوندىقتان, موبيلوگرافيانى ادامنىڭ جان-جاقتى دامۋىنا سەپتىگىن تيگىزە الادى دەر ەدىم. موبيلوگرافيا كۋرسىن ءبىتىردىم, ءارى قاراي نە ىستەيمىن دەيتىندەرگە مىناداي كەڭەس بەردى: “ينستاگرام ارقىلى ءوزىڭ جۇمىس ىستەگىڭ كەلەتىن جەرلەرگە جازىپ, ايىنا 70-80 مىڭ تەڭگەگە ءوز قىزمەتىڭدى ۇسىن. كوپ جاعدايدا ولار ۇسىنىسىڭدى قابىلدايدى, سەبەبى ارزان باعامەن كومپانيانى تەز دامىتىپ الامىز, سەنى پايدالانىپ جاتىرمىز دەپ ويلايدى. شىن مانىندە, ءبىز ولاردى پايدامىزعا اسىرىپ, جالاقىسى بار تاجىريبەدەن ءوتىپ الامىز.

يسلام دا باسىندا 70-80 مىڭ جالاقىعا جۇمىس ىستەسە, قازىر ايىنا 400-500 مىڭ تابىس تابادى.

سونداي-اق بىزگە موبيلوگرافيانىڭ نەگىزگى شارتتارىن ۇيرەتتى, ولار:كامەرانى ءسۇرتۋ, فوكۋستى بەكىتۋ,ەكسپوزيتسيانى رەتتەۋ, ۆيدەونى 60 كادر سەكۋندىنا جىلدامدىقپەن ءتۇسىرۋ. وسى شارتتاردى ۇستانا وتىرىپ “كينو&مەديا” ستۋدەنتتەرى قىسقا روليكتەر ءتۇسىرىپ, سەرتيفيكاتتارمەن ماراپاتتالدى.
بۇل شاراعا “ادىرنا” ۇلتتىق پورتالىنىڭ پرەزيدەنتى ارمان اۋباكىر قاتىسىپ, ىزگى تىلەگىن ءبىلدىردى. شارانىڭ بولاشاق كينوسىنشىلار مەن رەجيسسەرلەر ءۇشىن پايداسى كوپ بولدى.

جاڭا ماماندىقتار كوز ىلەسپەيتىن جىلدامدىقپەن كۇن سايىن پايدا بولىپ جاتىر, ءبىز دە زامان قارقىنان قالماۋىمىز كەرەك.

ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتى “كينو&مەديا” ماماندىعىنىڭ 1-كۋرس ستۋدەنتى – سەنبەك اقمارال.
جەتەكشىسى: اعا وقىتۋشى, كۋراتور – ن.ب.رۋشانوۆا