Jańalyqtar
«Moınyma buǵaý saldy. Dem jetpeı barady»: Temirlan Eńsebektiń sotynda ne boldy?
Foto:Orda.kz.
11 sáýir kúni Almaty qalasynyń Naýryzbaı aýdandyq sotynda ınstagramdaǵy Qaznews24 satıra pablıginiń avtory Temirlan Eńsebekke qatysty qylmystyq is boıynsha sot úkimi shyqty. Oǵan ultaralyq arazdyq qozdyrdy degen aıyp taǵylyp, ekstremıst dep tanyldy, dep jazdy qandastar.kz
Sotta ahýal shıelenisip, advokattyń ótinishteri qanaǵattandyrylmady Jýrnalısterdi qyzmetkerler qatań baqylaýda ustady. Al sýdıa «Sot qoǵam pikirine súıenbeıdi» dep málimdedi, dep habarlaıdy Orda.kz.
10 sáýir kúni ótken sot otyrysynda ǵımarat mańyna jınalǵan Temirlannyń jaqtastary zaldan beınetranslıaııa qosýdy talap etti. Alaıda polıııa qyzmetkerleri olardyń talabyna jaýap bermeı, kúshtep polıııa bólimshesine áketti.
Bólimge jetkizilgen Temirlan Eńsebektiń jaqtastary: Darhan Sháripov, Aıgúl Nurbolatova, Marııa Kochneva jáne Qońysbaı Aırıske hattama toltyrylyp, 78 640 teńge aıyppul salyndy.
11 sáýir kúni sot zalyna búkil BAQ ókilderi kirgizildi. Orda.kz tilshisi de osy sotqa bastan-aıaq qatysty.
Qorǵaýshy advokat sot zalyna kire almaǵan BAQ ókilderi men jaqtastaryna arnaıy onlaın translıaııa júrgizýge ótinish berdi. Alaıda sýdıa ótinishti qabyldamady.
«Taǵy da qaıtalap aıtamyn, munyń qajeti joq. Barlyq BAQ ókilderi sot zalyna kirgizildi. Tehnıkalyq sebepterge baılanysty translıaııa júrgizilmeıdi, sebebi sotta zaldar sany shekteýli. Sotta ondaı múmkindikter joq»,– dedi sýdıa.
11 sáýir kúni ótken sot otyrysynda kýágerlerden jaýap alyndy. Tintý kezinde kýáger bolǵan adam shaqyryldy.
Tergeý ızolıatorynan onlaın qosylǵan Temirlan Eńsebek kýágerdi kórmegendikten, sot otyrysyn oflaın ótkizýdi talap etti.
«Men kýágerlerdi kórip otyrǵan joqpyn, sotqa kelip, óz kózimmen kórgim keledi. Menen basqa eshkim kýágerdi kórgen joq. Bul adamnyń basqa bireý emes, sol kýáger ekenine kóz jetkizgim keledi»,– dedi Temirlan Eńsebek.
Advokat Janar Balǵabaeva eki kýágerdiń tergeý kezinde bergen jaýaptary «jattap alǵandaı» bir-birinen aınymaıtynyna nazar aýdardy.
