«Moınynda beıdjık bar»: Ulyn Olımpıadaǵa aparǵan Golovkınniń basy daýǵa qaldy

Foto: skrınshot

Jelide Ulttyq Olımpıada komıtetiniń prezıdenti Gennadıı Golovkın óz balasyn akkredıtaııadan ótkizip, Parıj Olımpıadasyna alyp bardy degen aqparat tarady.

Saıasattanýshy Talǵat Qalıevtiń aıtýynsha, bıyl Parıj Olımpıadasyna barýǵa tıis tulǵalar akkredıtaııasyz qaldy.

«Munda kóbi akkredıtaııadan ótkenin bildiretin beıdjben otyrǵan balanyń Ulttyq olımpıada komıtetiniń prezıdenti Gennadıı Golovkınniń uly ekenin aıtyp jatyr. Golovkın qazaq sportyna eń myqty amerıkalyq tásilderdi, standarttardy jáne dástúrlerdi engizedi dep oılaǵan edik. Alaıda ol eskilikti kúsheıtýdi áreket etip jatqan sııaqty. Bıyl Olımpıadaǵa barýǵa laıyq bolǵan kóptegen sheneýnikter akkredıtaııasyz qaldy. Al Golovkınniń aǵasy men uly olımpıada tamashalaýǵa ketti», – dep jazdy ol.

Al jýrnalıst Mıhaıl Kozachkov, komıtet ókili Janar О́teshova Olımpıadaǵa tek kerek adamdar iriktelgenin aldyn ala maqtanyshpen habarlaǵanyn aıtty.

«Olımpıadadaǵy kúlkili jaǵdaı. Oıyn qarsańynda Ulttyq Olımpıada komıtetiniń Bas hatshysy Janar О́tesheva óziniń Telegram-arnasynda Parıjge delegaııa quramymen eń qajet adamdar ǵana baratynyn aıtty. Ol artyq jolaýshylarǵa akkredıtaııadan bas tartylǵanyn maqtanyshpen habarlaǵan edi. Ol tek sportshylardy, jattyqtyrýshylardy, menedjerler men sparrıng seriktesterdi qabyldadyq degen edi. Biraq Olımpıada oıyndaryn qarap otyrsam, Ulttyq Olımpıada komıtetiniń prezıdenti Gennadıı Golovkınniń ulyn kózim shaldy. Nege ekeni belgisiz, onyń moınynda beıdjık bar. Bul akkredıtaııadan ótkeniniń belgisi bolsa kerek. Osy oraıda mynadaı suraq týady: ol bireýdiń sparrıng seriktesi me álde jattyqtyrýshy ma?», – dep jazdy jýrnalıst.