Mol tabys tapqan 301 bloger salyq tóledi

Foto: ashyq derekkóz

Memlekettik kirister komıteti bıyl kameraldyq baqylaý nátıjesinde 80 myńnan astam azamatqa salyq boıynsha habarlama jiberdi. Olardyń ishinde 854 bloger bar, dep habarlaıdy qandastar.kz

Memlekettik kirister komıtetiniń málimetinshe, salyq organdarynyń maqsaty – barlyq jeke tulǵanyń, sonyń ishinde blogerlerdiń de tabysynan salyq tólenýin qamtamasyz etý. Bul jumys kameraldyq baqylaý arqyly júrgiziledi. Iaǵnı salyq organdary salyqtyq eseptilikterdi, memlekettik derekterdi jáne ózge de aqparat kózderin saraptap, sáıkessizdikterdi anyqtaıdy.

2025 jyly osyndaı baqylaý nátıjesinde 80 myńnan astam jeke tulǵaǵa, onyń ishinde 854 blogerge habarlama jiberilgen. Bul habarlamalarda tabys pen salyq esebinde sáıkessizdik bary kórsetiledi. Búginde 301 bloger óz tabysyn moıyndap, jalpy somasy 9,4 mlrd teńgeni deklaraııalaǵan. Nátıjesinde olar memleketke 520,7 mln teńge jeke tabys salyǵyn tóledi, — delingen redakııamyzǵa bergen resmı jaýapta.

Salyq organdary blogerlerge qatysty eshqandaı arnaıy tekseris júrgizilmeıtinin málimdedi. Kameraldyq baqylaý barlyq salyq tóleýshilerge birdeı júrgiziledi. Blogerler jeke tulǵa retinde qarastyrylyp, tek salyq tólemegen jaǵdaıda ǵana eskertý alady.

Habarlama alǵan azamattar oǵan 30 jumys kúni ishinde jaýap berýi kerek. Eger kórsetilgen zańbuzýshylyqtarmen kelispese, salyq organyna túsinikteme joldaýǵa quqyly. Al esh jaýap berilmese nemese túsinik dálelsiz bolsa, tolyq salyqtyq tekseris taǵaıyndalady.