ءمولدىر اۋەلبەكوۆا ءبىرىنشى كۇيەۋىمەن قالاي اجىراسقانىن ايتتى

فوتو: اشىق دەرەككوز

تانىمال وتاندىق ءانشى ءمولدىر اۋەلبەكوۆا ءبىرىنشى كۇيەۋىمەن سوزگە كەلىپ قالىپ, ۇيىنە كەتىپ قالعاندا اكەسى كىرگىزبەي قويعانىن ايتتى, دەپ حابارلايدى qandastar.kz  Malim.kz-كە سىلتەمە جاساپ.

ونەر يەسى دينا تولەپبەرگەنگە بەرگەن سۇحباتىندا باسىنان وتكەرگەن قيىندىقتارى تۋرالى ءسوز قوزعادى.

ءبىرىنشى نەكەمدە تۇسىنىسپەۋشىلىكتەر بولدى. بىردە الماتىعا جۇمىس ساپارمەن كەلدىم. اتا-انام الماتىدا, ءبىز استانادا تۇراتىن كەز. سول ارالىقتا بالامنىڭ اكەسىمەن اراداعى جانجال ۇدەپ كەتتى. ۇيدەگىلەرگە «مەن كۇيەۋىمنەن كەتەمىن, وسى جەردە قالامىن» دەدىم. اكەم رۇقسات بەرمەدى. «بۇل جەردە قالا المايسىڭ» دەپ ۇيگە كىرگىزبەي قويدى. الايدا وتباسىما قايتىپ بارعان كۇننىڭ وزىندە جاعداي مەن جانجال ۇدەي ءتۇستى, – دەدى ءانشى.

ال كۇيەۋىنىڭ ۇيىنە بارعاندا, تۋىستارى جىلى قابىلداۋدىڭ ورنىنا ءمولدىردىڭ ءوزىن سىناعان.

اكەمنىڭ دانالىعىن كۇيەۋىمنىڭ تۋىستارى تۇسىنبەدى. «جەكسۇرىن بولىپ, ءوزى قايتىپ كەلدى. قايتىپ كەلگەن قىز جامان» دەپ مەنى كىنالادى. سوڭىندا ءبارى اجىراسۋعا كەلىپ تىرەلدى. مەن ءوزىم كەتىپ قالسام, اكەم ۇيگە كىرگىزبەيتىنىن ءبىلدىم. جانجال بولعاندا كەتە المايتىنىمدى ءبىلدىم. بىراق بارىنە شىداپ, سوڭىندا ءوزى مەنى تاستاپ كەتتى. ءوزى تاستاپ كەتكەن سوڭ, اكە-شەشەم قابىلدايدى عوي. قۇشاعىن جايىپ قابىلدادى, – دەدى ءمولدىر اۋەلبەكوۆا.

ماتەريالدى قولدانعان جاعدايدا, باستاپقى 1 نەمەسە 2-سويلەمدە malim.kz سايتىنا گيپەرسىلتەمە بەرۋىڭىزدى سۇرايمىز. اۆتورلىق قۇقىقتى قۇرمەتتەگەنىڭىزگە العىس ايتامىز.