«Móldir kórinbeıdi»: Tursynbek Qabatovtyń otbasymen túsken sýretteri jelide qyzý talqylandy

Áleýmettik jelide tanymal ázilkesh Tursynbek Qabatovtyń otbasymen birge túsken beınejazbasy qyzý talqylanyp jatyr, dep jazdy qandastar.kz.

Instagram jelisindegi «Juldyzdar álemi» paraqshasynda jarııalanǵan vıdeoda Qabatovtyń anasyna gúl shoqtaryn syılap, baýyrlarymen birge estelikke sýretke túsip jatqan sátteri kórsetilgen.

Beınejazba jeli qoldanýshylarynyń erekshe qyzyǵýshylyǵyn týdyrdy. Kópshilik ázilkeshtiń anasyna, týǵan-týystaryna degen qurmetine tánti bolyp, jyly lebizderin bildirdi. Sonymen qatar, keıbir jeli qoldanýshylary Tursynbektiń jary Móldir Muqanovanyń beınejazbada kórinbegenin aıtyp, onyń jaǵdaıyn suraýshylar da tabyldy.

Pikir bildirýshilerdiń arasynda:
– «Móldir kórinbeıdi ǵoı»,
– «Anasy tamasha adam, otbasylary aman bolsyn»,
– «Analarymyz aman bolsyn»,
– «Tursynbektiń shyqqan tegi, otbasy keremet jandar ǵoı», – degen sekildi pikirler jazyldy.