«مونعوليا قازاقتارىنىڭ تەاتر تاريحى» اتتى كولەمدى ەنتسيكلوپەديالىق جيناق جارىق كوردى

قر ۇلتتىق اكادەميالىق كىتاپحاناسىندا ونەرتانۋشى, جازۋشى تايف تاۋكەي ۇلىنىڭ «مونعوليا قازاقتارىنىڭ تەاتر تاريحى» جانە «كەرۋەن عۇمىر» كىتاپتارىنىڭ تۇساۋكەسەرى ءوتتى, دەپ حابارلايدى مادەنيەت جانە اقپارات مينيسترلىگىنىڭ ءباسپاسوز قىزمەتى.

«مونعوليا قازاقتارىنىڭ تەاتر تاريحى» كىتابىندا بايان-ولگەيدەگى ۇلتتىق تەاتردىڭ قالىپتاسۋى, ونىڭ نەگىزىن قالاۋشىلار, ءار كەزەڭدەگى دامۋىنا اتسالىسقان تۇلعالار تۋرالى باياندالادى.
قازاق دراما تەاترى حالىققا رۋحاني ازىق بەرگەن قاسيەتتى ونەر شاڭىراعى بولعان. تەاتر ساحناسىندا جەرگىلىكتى قازاق جازۋشىلارىنىڭ, موڭعول, قازاقستاندىق جانە شەتەلدىك دراماتۋرگتەردىڭ كوپتەگەن تۋىندىسى ساحنالانعان. مادەنيەت ورداسىنىڭ دامۋىنا قازاقستاننان شاقىرىلعان ماماندار كوپ ۇلەس قوسقان. ەنتسيكلوپەديالىق جيناقتا بۇل تۋرالى ەگجەي-تەگجەيلى ايتىلادى.
«كەرۋەن عۇمىر» كىتابى – موڭعوليانىڭ ءتۇرلى ايماعىندا 30 جىلدان اسا مەكەندەپ, ەڭبەك ەتكەن وتانداستاردىڭ تاعدىرى تۋرالى.

«مونعوليا قازاقتارىنىڭ تەاتر تاريحى» اتتى كولەمدى ەنتسيكلوپەديالىق جيناق مەملەكەتتىك تاپسىرىسپەن, الماتىداعى «ءداۋىر» باسپاسىنان جارىق كورگەن. «كەرۋەن عۇمىر» عىلىمي-كوپشىلىك كىتابى قازاقستان جازۋشىلار وداعى مەن «وتانداستار» قورىنىڭ قولداۋىمەن باسىلىپ شىققان.