«Mońǵolııadan kóship kelgen. Muǵalimder kómektesken»: Pavlodarda 13 jasynda ana atanǵan oqýshy qyz týraly tyń derek

Foto: vshyó derekkóz

Pavlodar oblysyndaǵy Bala quqyqtary jónindegi ýákil Sáýle Shakeneva áleýmettik jelidegi jeke paraqshasynda óńirde 13 jasynda ana atanǵan oqýshy qyzdyń otbasy týraly málimet jarııalady. Ol qyzdyń otbasy turatyn Galkıno aýylyna QR Bala quqyqtary jónindegi ýákili Zákıeva Dınaranyń tapsyrmasy boıynsha baryp qaıtqanyn aıtady.

Belgili bolǵandaı, otbasy Qazaqstanǵa 2019 jyly Mońǵolııaǵa eki balasymen kóship kelgen. Mońǵolııaǵa Galkıno aýylyna olarǵa deıin turaqtaǵan týystary shaqyrǵan.

«Qazaqstanda taǵy úsh bala dúnıege keldi. Qazir anasy 2022 jyly týǵan bala kútimimen úıde otyr. Anasy oqı da, jaza da almaıdy. Qujattarǵa tek óz atyn ǵana jaza alady. Al otaǵasy 6 synypty ǵana bitirgen. Arnaıy mamandyǵy joq. Mektepte pesh jaǵýshy bolyp jumys istegen. Qazir jumys istemeıdi. Úlken qyzynyń aıaǵy aýyr ekenin 2024 jyly 3 sáýirde mektep muǵalimderinen estigen. Dál sol kúni ÝZI-ge túsirip, aqyrynda aıaǵy aýyr ekeni rastalǵan. Qyz birden aýdandyq aýrýhanaǵa jatqyzylyp, 19 shildege deıin sonda jatqan. Aýrýhanada mektep ákimshiligi oqý jylynyń sońyna deıin onlaın formattaǵy oqý uıymdastyrylǵan. Aýrýhanada jatqan úsh aı ishinde ol qyz JAO men mekteptiń pedquramynyń jeke qarajaty esebinen kıim, aıaq kıim, tutynatyn jattar men azyq-túlikpen qamtamasyz etilip otyrǵan. Oqýshy salmaǵy 3360 gr bolatyn qyzdy dúnıege ákelgen. Oblystyq pernataldyq ortalyqtan shyqqan soń onyń qaıda turatyny sheshiletin bolady. Seksýaldyq zorlyq-zombylyq týraly anasy da, ákesi de bilmegen. Qazir olar kúdikke ilingen týystarymen ara qatynasty úzgenin aıtady», – delingen jazbada.