جاڭالىقتار
«مۇفتياتقا 200 مىڭ دوللار پارا دايىنداعان»: جۋرناليست باس ءمۇفتيدى جۇمىستان الاستاتۋدى تالاپ ەتتى
جۋرناليست وراز الىمبەك ءمۇفتيات قاجىلىققا باراتىن ءاربىر ادام ءۇشىن 500 اقش دوللارىنان العانىن ايتتى, دەپ حابارلايدى Qandastar.kz اقپارات پورتالى اۆتوردىڭ الەۋمەتتىك جەلىدەگى پاراقشاسىنا سىلتەمە جاساپ.
ونىڭ ايتۋىنشا, مۇفتياتقا بەرەتىنى پارانىڭ سالدارىنان قاجىلار ۋاقىتىلى ەلگە قايتا الماي, دالادا قالعان. قوعام بەلسەندىسى ءمۇفتياتتىڭ كەزەكتى كەلەڭسىز ارەكەتى تۋرالى جازىپ, باس ءمۇفتيدى جۇمىستان الاستاتۋدى تالاپ ەتتى.
«ناۋرىزباي وتپەنوۆتى باس مۇفتيلىكتەن قۋىپ, مۇفتياتقا رەفوراما جاساۋدى تالاپ ەتەم»
تومەندەگى مىناۋ ۆيدەودا «ZamZam Qazaqstan» تۋريستىك كومپانياسىنىڭ باسشىلارى (ديرەكتور دانيار يليەۆ) مۇفتياتقا 200 مىڭ دوللار پارا دايىنداپ جاتقان كەزى. 2023 جىلى «ZamZam Qazaqstan» ءمۇفتياتتان 400 ادامدى قاجىلىققا اپارىپ كەلۋگە رۇسات الادى. ءمۇفتيات باسشىلىعى دانيار يليەۆتى ءار قاجى ءۇشىن 500 دوللاردان (200 مىڭ دوللار) پارا بەرۋگە ماجبۇرلەدى. سونىڭ كەسىرىنەن ديرەكتور د.يليەۆ 120 قاجىنى قاجىلاقتان ەلگە الىپ كەلە الماي قيىندىققا تاپ بولدى. بۇل — قازاق قوعامىندا ۇلكەن داۋ-داماي تۋعىزعان وقيعا. ءبارى وسى جەمقورلىقتىڭ قۇيتىرقى سحەماسىنىڭ باسىندا تۇرعان باس ءمۇفتي ناۋرىزباي وتپەنوۆتى ەمەس, تۋريستىك بيزنەستەگى دانيار يليەۆتى ايىپتاپ, وعان قارسى قىلمىستىق ءىس قوزعاپ, اقىرى سوتتاتىپ تىندى»,- دەپ جازدى ول.
ونىڭ سوزىنشە, تەرگەۋ بىرجاقتى جۇرگىزىلگەن. ال, ۆيدەودا بىرنەشە ادام دوللار تولى سۋمكانى مۋفتياتقا دايىنداپ جاتقانىن ايتقان.
«ارينە, ونىڭ سوتتالۋىنا كۇشتىك قۇرىلىمدارمەن «توننىڭ ىشك بايۋىنداي» بايلاسىپ كەتكەن ن.وتپەنوۆتىڭ دە اسەرى زور بولدى. الىدە دە ءدىني سالادا «ايران ىشكەندەر قۇتىلىپ, تەك شەلەك جالاعاندار تۇتىلىپ» جاتىر.مەن بۇل وقيعا جونىندە جازدىم جانە ن.وتپەنوۆتىڭ باس مۇفتيلىكتەن قۋىپ, مۇفتياتقا تۇبەگەيلى رەفورما جاساۋدى ەلدىڭ ساياسي بيلىگىنەن تالاپ ەتتىم. وكىنىشىكە وراي, ەلىمىزدىڭ يدەولوگيالىق سەكتورىنىڭ تىكەلەي قولداۋىمەن ناۋرىزباي وتپەنوۆ بالاماسىز نەگىزدە تاعى دا 5 جىلعا باس ءمۇفتي بولىپ «سايلاندى». مۇسىلمانداردىڭ قۇرىلتايى الدىندا مەنىڭ 18 جىلدىق فەيسبۋك پاراقشامادى ءمۇفتياتتان تاپسىرما العان حاكەرلەر جويىپ جىبەردى… مۇنىمەن پروبلەما شەشىلگەن جوق قوي. ابدەن ءىرىپ-شىرىگەن مۇفتياتقا دىم بولماعانداي ناۋرىزباي وتپەنوۆ باسشىلىق جاساپ وتىر», — دەدى وراز الىمبەك.
ايتۋىنشا, اكىمدىك يمامدارعا ارناپ سالىپ بەرگەن قاراعاندىداعى ءۇيدى ن.وتپەنوۆ ساتىپ جىبەرىپ, اقشاسىن قالتاسىنا باسىپ العان.
«ونى قۇجاتپەن دالەلدەپ بەردىم. باس ءمۇفتيدىڭ ايماققا ساپارى ءۇشىن مولدالاردان ميلليونداعان تەڭگە جينايتىنى دا ناقتى دالەلمەن جازىلدى… بىراق وسىنداي سىننان ءمۇفتياتتا تا, باس ءمۇفتي ن.وتپەنوۆ تە وڭدى ناتيجە شىعارعان جوق. سەبەبى «بالىق باسىنان ءشىريدى». مىناۋ ناۋرىزباي وتپەنوۆتى باس مۇفتيلىكتەن قۋىپ, مۇفتياتقا تۇبەگەيلى رەفورما جاساماي ءدىن سالاسىندا وسىنداي بىلىق-شىلىق بولا بەرەدى, بولا بەرەدى, قوعامنىڭ ازعىنداۋى توقتامايدى», — دەدى ول.
