جاڭالىقتار
«مۇعالىم بولعان»: قىزىلوردا وبلىسىندا ايەلدىڭ قولىن بالتالاپ تاستاعان
فوتو:astanatv.kz
قىزىلوردا وبلىسى شيەلى اۋدانىنداعى اۋىلدا 42 جاستاعى ايەلدىڭ قولىن كۇيەۋى بالتالاپ تاستاعان. قازىر كەلىنشەك اۋىر جاعدايدا اۋداندىق اۋرۋحانانىڭ جانساقتاۋ بولىمىندە جاتىر, دەپ حابارلادى qandastar.kz سايتى Astana.tv-عا سىلتەمە جاساپ.
ناۋقاسقا شۇعىل كومەك كورسەتۋ ءۇشىن قالادان ساناۆاتسيامەن دارىگەرلەر كەلىپ-جەتكەن. ولار كەلىنشەكتىڭ وزگە دە بىرنەشە جاراقاتتارى بارىن ايتادى. باسىنان دا قاتتى سوققى العان. سوندىقتان جابىرلەنۋشىنىڭ دەنساۋلىعىنا قاتىستى, ازىرگە اقحالاتتىلار ناقتى شەشىم ايتا المايتىندارىن جەتكىزدى. ال كۇدىكتى اۋدانداعى مەكتەپتەردىڭ بىرىندە بيولوگيا ءپانىنىڭ مۇعالىم بولىپ جۇمىس ىستەيدى. 20 جىلدان اسا تاجىريبەسى بار مامان.
«پوليتسيا ادام ولتىرۋگە وقتالۋ دەرەگى بويىنشا كۇدىكتىنى ءىزىن سۋىتپاي ۇستادى. ول قازىر ۋاقىتشا ۇستاۋ يزولياتورىندا. تەرگەۋ امالدارى جالعاسۋدا. وزگە مالىمەتتەر جاريا ەتۋگە جاتپايدى», — دەدى قىزىلوردا وبلىستىق پوليتسيا دەپارتامەنتى
ءىس دەپارتامەنت باسشىلىعىنىڭ باقىلاۋىنا الىنعانى دا ناقتىلانادى.
