مۇعالىمدەر ەندى ەكسترەميزممەن كۇرەسەدى — عاني بەيسەمباەۆتىڭ جاڭا بۇيرىعى پايدا بولدى

«پەداگوگ لاۋازىمدارىنىڭ ۇلگىلىك بىلىكتىلىك سيپاتتامالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2009 جىلعى 13 شىلدەدەگى № 338 بۇيرىعىنا مىناداي تولىقتىرۋلار ەنگىزىلسىن:

«ورتا ءبىلىم بەرۋ ۇيىمدارىندا ءدىني ەكسترەميزمنىڭ الدىن الۋدى جۇزەگە اسىرادى;

ءبىلىم الۋشىلار, تاربيەلەنۋشىلەر, پەداگوگتار جانە باسقا دا قىزمەتكەرلەرگە رۋحاني-ادامگەرشىلىك قۇندىلىقتاردى سىڭىرەدى», — دەلىنگەن قۇجاتتا.

بۇيرىق ءماتىنىنىڭ استىنا بىرنەشە قارسى پىكىر جازىپ, جانايعايىن جەتكىزگەن.

«مۇعالىمدەردى جايىنا قالدىرىڭىزدار! ۇستازدار ءبىلىم بەرۋمەن اينالىسۋ كەرەك! مۇعالىمدەردىڭ مويىنان وزگە مىندەتتەردى ارتا بەرۋدى دوعارىڭىزدار», «نەگە مۇعالىمگە قوسىمشا جۇمىس جۇكتەي بەرەسىزدەر? مۇعالىم ءوز ءپانى بويىنشا ساباعىن بەرۋگە, سىزدەر بەكىتىپ بەرگەن مىڭ ەسەپتەردى تاپسىرۋعا ۋاقىت تاپپاي ءجۇر. ىشكى ساياسات, ءدىن ماماندارى نە ىستەيدى سوندا? اركىم ءوز جۇمىسىن جاساۋى كەرەك قوي», «ءدىني ەكسترەميزم» دەگەن نە? قاراپايىم مۇعالىم بۇل ءبىلىمدى وقۋشىلارعا قالاي سىڭىرەدى? بىزدە سونداي دايىندىقتان وتكەن مۇعالىمدەر بار ما? مۇمكىن اركىم ءوز ىسىمەن اينالىسۋى كەرەك شىعار?!», «قارسىمىن! مۇعالىم «ورتا ءبىلىم بەرۋ ۇيىمدارىندا ءدىني ەكسترەميزمنىڭ الدىن الۋدى جۇزەگە اسىراتىن» ءدىنتانۋشى, تەولوگ ەمەس! مۇعالىمنىڭ مەكتەپ باسشىلىعى سياقتى, بۇل قىزمەتتى جۇزەگە اسىرۋعا بىلىكتىلىگى, وكىلەتتىگى جوق» دەگەن پىكىرلەر جازىلعان.