Bilim
Muǵalimder endi ekstremızmmen kúresedi — Ǵanı Beısembaevtyń jańa buıryǵy paıda boldy
Fotokollaj: Azattyq Rýhy / Ábilqasym Esentaev
Muǵalimderge terrorızmmen kúresý mindeti artylady. Bul týraly qujat jobasy taıaýda Ashyq NQA portalyna qoǵamdyq talqylaýǵa shyǵaryldy, dep habarlaıdy Azattyq Rýhy.
«Pedagog laýazymdarynyń úlgilik biliktilik sıpattamalaryn bekitý týraly» Qazaqstan Respýblıkasy Bilim jáne ǵylym mınıstriniń 2009 jylǵy 13 shildedegi № 338 Buıryǵyna mynadaı tolyqtyrýlar engizilsin:
«orta bilim berý uıymdarynda dinı ekstremızmniń aldyn alýdy júzege asyrady;
bilim alýshylar, tárbıelenýshiler, pedagogtar jáne basqa da qyzmetkerlerge rýhanı-adamgershilik qundylyqtardy sińiredi», — delingen qujatta.
Buıryq mátininiń astyna birneshe qarsy pikir jazyp, janaıǵaıyn jetkizgen.
«Muǵalimderdi jaıyna qaldyryńyzdar! Ustazdar bilim berýmen aınalysý kerek! Muǵalimderdiń moıynan ózge mindetterdi arta berýdi doǵaryńyzdar», «Nege muǵalimge qosymsha jumys júkteı beresizder? Muǵalim óz páni boıynsha sabaǵyn berýge, sizder bekitip bergen myń esepterdi tapsyrýǵa ýaqyt tappaı júr. Ishki saıasat, din mamandary ne isteıdi sonda? Árkim óz jumysyn jasaýy kerek qoı», «Dinı ekstremızm» degen ne? Qarapaıym muǵalim bul bilimdi oqýshylarǵa qalaı sińiredi? Bizde sondaı daıyndyqtan ótken muǵalimder bar ma? Múmkin árkim óz isimen aınalysýy kerek shyǵar?!», «Qarsymyn! Muǵalim «orta bilim berý uıymdarynda dinı ekstremızmniń aldyn alýdy júzege asyratyn» dintanýshy, teolog emes! Muǵalimniń mektep basshylyǵy sııaqty, bul qyzmetti júzege asyrýǵa biliktiligi, ókilettigi joq» degen pikirler jazylǵan.
