Muǵalimder kelýine 4 myńnan jınaǵan «Tomırıs patshaıymnyi» daýy: Áıgili emshi oqý ordasyna nege barǵanyn aıtty

Foto: vıdeodan skrın

qandastar.kz – Jambyl oblysy Tereńózek aýylyndaǵy mektepke baryp, ózin saqtardyń patshaıymyna balaǵan emshi Gúlsara Sýazqyzy jelide qyzý talqyǵa tústi. О́zin emshi ári dáriger sanaıtyn áıel bilim ordasyna baryp, qaıyrymdylyq keshin ótkizgen. Al ulaǵatty ustazdar onyń aıaǵynyń astyna gúl tósep, 4 myń teńgeden jınaǵan. Ol bul saparyna 4,5 mıllıon teńge shyǵyndaǵanyn aıtty. Bul týraly Stan.kz aqparat agenttigi «Kóremiz» baǵdarlamasyna silteme jasap habarlaıdy.

Aýyl mektebin aralap, oqýshylarmen kezdesken áıel kópke emshi retinde belgili. Onyń S. Asfendııarov atyndaǵy medıınalyq ýnıversıtetin rastaıtyn dıplomynan bólek, táýip retinde alǵan serfıkattarynda esep joq. Alaıda redakııa oqý ordasyna habarlasyp, onyń bul joǵary oqý ornynda oqymaǵanyn bilgen. Ol 1996 jyly bitirgen túlekterdiń tiziminde joq bolyp shyqty.

Budan bólek appaq kóılek kıip, aq jaýlyq tartyp, eldi emdep júr. Emshini tanyǵan kisilerdiń pikiri ekige bólingen. Biri ony elden erek jan dese, endi ekinshileri mektepke barǵanyna qarsy.

Tereńózek aýyly, Jambyl Jabaev atyndaǵy orta mektepte 500-ge jýyq oqýshy bilim alady. Mektep dırektory Elmıra Zákenbaeva áıeldiń mundaı obrazben kıinip keletinin bilmegen.

«Onyń Tomırıs ekenin eshkim bilmeıdi. Bizge kelgen kezde eldiń bári tańǵaldy. Áıtpese, onyń «Tomırıs ekenin, emshi ekenin biz sol kezde ǵana ańǵardyq. Kıimin kórip, oıpyrmaı, mynaý ne kıip alǵan dep, ań-tań boldym. Áıeldiń osy jerge kelgende mundaı tirlik isteıtinin bilmedik. Áli kúnge deıin bul kisiniń ne maqsatpen kelgenin túsinbeı jatyrmyz. Ákimshilik te, ishki saıasat ta, eshqaısysy beıhabar bolǵan. Bizdiń bar biletinimiz – ol aýyldyń týmasy. Ol osy aýylǵa «Mektepke jol» akııasy sheńberinde 100 balaǵa mektep formasyn ákelip beretinin estidik», – dedi mektep dırektory.

Mektep dırektory áıeldiń ákelgen dorbasyn ashqan kezde onda oqýshylarǵa forma emes, eresek adamdardyń kıimderi bar ekenin kórgen. Keıin ákimshilik kıimderdi meshitterge aparyp ótkizgen.

Jelini shýlatqan emshi baǵdarlamaǵa bergen suhbatynda kóıleginiń qupııasyn bólisti. Aıtýynsha, Tomırıs patshaıym oǵan aıan bergen. Ol mektepke jasaǵan qaıyrymdylyq sharasy jaıly da aıtyp berdi.

«Túsimde Tomırıs patshaıym aıan berdi. Negizi kóp jyl buryn aıan bergen. Meniń jumysymdy jalǵastyrasyń dedi. «Jerińe ıe bol! Klınıkańdy joǵaltyp alma! Namazhanany usta!» dep aıan berdi. Árqashan aıan kórip, sol baǵytpen jumys isteı bergenmin. Tomırıs óziniń kostıýmin maǵan berdi. Dızaınyn syzyp bergen. Qyzyl kostıýmdi ózi kórsetti, men ony tiktirdim. Ár obrazǵa 37 kostıýmim bar. Osy mektepke barý úshin bas-aıaǵy 4,5 mıllıon teńge aqsham ketti. Eshkimge bergen joqpyn, jol boıy jarattym. Qurbandyqqa, dastarhanǵa berip otyrdym. Men mektepke qur qol barmadym. Dúkennen kıim, kamera, kompıýter aldym. Mádenıet ortalyǵyna berdim. Mektepke kıim berip, jaǵdaıy tómen otbasylarǵa taratyńyzdar dep aıttym. Kúz ben qysqa arnalǵan kıim aldym, onyń ishinde bala men eresekterge arnalǵan kıimge 900 myń teńge ketti. 750 myń teńgege alynǵan kıimdi mektepke tastadym.

Olardyń sapasyna qaraýǵa ýaqytym bolmady. Ol jerdegi adamdar kıimniń sapasyn sókse, áıelder ózderine jaqsysyn qaldyryp, aýystyryp qoıýy múmkin. Biz mektepte 15 mınýt qana otyrdyq. Mektep dırektory maǵan 4 myń teńgeniń shokoladyn berip, shaı ish dedi. Qandaı jaman bolsyn, ol meniń týǵan jerim, elim. Olardyń qaı-qaısysyn da jaqsy kóremin. Kishkene túsinbestik boldy. Olar qate jasady. Biraq men olardy keshirdim. Menen de bir jerde aǵattyq ketse, qate jasasam, keshirińdershi. Men senderdiń qyzdaryńmyn ǵoı. Meni qalaı laqtyrasyńdar?», – deıdi Gúlsara Sýasqyzy telearnaǵa bergen suhbatynda.

Al aýdandyq bilim bóliminiń basshysy emshige mekteptiń 23 muǵalimi aqsha jınap bergen. Alaıda baqsy aqsha qarajatqanyn aıtpady. Kerisinshe, qamqorshy retinde aqsha jiberip otyrǵanyn aıtty. Sýasqyzy dáriger bolǵandyqtan jasyn aıtýdan bas tartqan.

«Medıınalyq preparattarmen birge emshilik jumysty ushtastyra isteımin. Adam jazylmaı jatsa, Quran súrelerin qosamyn. О́zimniń denemde qasıetim bar, ony da qosamyn. Jazylmaıtyn aýrý joq. Men jaıly 98 serııalyq fılm bar. Meniń jeke prodıýserim bar. Emshige de prodıýser kerek. Meniń denemdegi qasıet basqa adamdarda joq. Qandaı qasıet ekenin aıta almaımyn. Sózben jetkize almaımyn. Adamnyń boıyndaǵy dertti aıta alamyn. Adamdardan aqsha suramaımyn, olar qansha beredi, sony alamyn», – dedi áıel.

“Tomırıs patshaıym” óziniń 3 uly, 7 nemeresi bar ekenin aıtyp berdi.

«Balalarym «ana, sizdi adamdar túsinbeıdi eken, adamdarǵa jaqsylyq jasaımyn deısiń, olar seni túsinbeıdi» dedi. Kelinim «seni jyndy dep oılaıdy, halyq topas, kózińdi ash, adamdarǵa kómektespe» dep aqyl aıtty. Sender qazaqsha túsinbeısińder, mende sharýalaryń bolmasyn dedim. Qaıyrymdylyqpen aınalysý – meniń mıssııam», – dedi áıel.

Eske salsaq, buǵan deıin Jambyl oblysyndaǵy aýyl turǵyndarynyń «Tomırıs hanshaıym» bolyp kıingen áıeldi saltanatty túrde qarsy alǵan vıdeosy qazaqstandyqtardy ashýlandyrǵan edi. Áıelmen kezdesýdi uıymdastyrý úshin aýyl muǵalimderinen aqsha jınalǵany týraly jazǵan edik.