Jańalyqtar
«Muǵalimder qysym kórdi»: Shymkentte oqýshylar toqsan boıy oqymaǵan
Foto: ashyq derekkóz
Shymkenttegi mektepterdiń birinde oqýshylar bir toqsan boıy oqymaǵan, dep habarlaıdy qandastar.kz Orda.kz-ke silteme jasap.
Mektep ákimshiliginiń bassyzdyǵynan ujym tarqap ketýge jaqyn. Bir toqsan boıy sabaq bolmaǵandyqtan oqýshylar basqa mektepke aýysyp ketip jatyr. Aldyn ala málimet boıynsha, muǵalimder ózara tartysyp, bir-birine qysym kórsetýge deıin barǵan.
«Mektepte túsiniksiz jaǵdaı. Onyń bári balamyzǵa keri áser etip jatyr. Sabaq kestesi múldem joq. 10 muǵalim jumystan ketken», – deıdi ata-ana.
Mektep dırektory jańa muǵalimderdi qabyldap júrip ýaqyt ótkizip alǵanyn jasyrmady.
«On maman jumystan shyǵyp, 10 mamandy qabyldap alý úshin qyrkúıek sońyna deıin ýaqyt joǵalttyq. Soǵan baılanysty keıbir pánderde olqylyq bolǵany ras. Sabaq kestesinde de ózgerister boldy», – deıdi mektep dırektory.
Mekteptegi bassyzdyqtan bir sabaqqa 3 muǵalim kirgen kezder bolǵan. Muǵalimniń sabaq kestesinde basqa pán bolsa, oqýshynyń sabaq kestesi múldem basqa bolyp shyqqan. Sondaı-aq mektepte muǵalimderdiń jalaqasyn ustap qalý, aqsha talap etý de qalypty jaǵdaıǵa aınalǵan deıdi ustazdar.
Endi bul máselelerdi bilim basqarmasy janynan qurylǵan komıssııa sarapqa salmaqshy. Osy jıynda mektep dırektory men onyń orynbasarlarynyń jáne birqatar ustazdardyń tártiptik jaýapkershiligi qaralyp, qyzmetine sáıkestigi týraly sheshim shyǵarylady.
